Sipërmarrësit mund të paguajnë online përmes platformës e-Albania 13 detyrime tatimore, në çdo kohë dhe pa kosto printimi. Sipas Drejtorisë së Tatimeve, pagesat mund të kryhen direkt nga vendi i punës, shtëpia apo edhe celulari. Tatimpaguesit e realizojnë këtë duke u loguar në portalin e-Albania me kredencialet e tyre. Ata, mund të kryejnë pagesë të pjesëshme ose të plotë për taksat dhe tarifat më poshtë:
• Tatimi mbi të Ardhurat Personale të Biznesit të Vogël
• Tatim i Lojërave të Fatit
• Tatim mbi të Ardhurat nga Punësimi
• Tatim i Mbajtur në Burim
• Tatim mbi Vlerën e Shtuar
• Tatim i Thjeshtuar mbi Fitimin
• Tatim Fitimi
• Tatim mbi të Ardhurat Personale
• Taksat Kombëtare
• Tarifat Kombëtare
• Renta minerare
• Kontributet e sigurimeve shoqërore dhe shëndetësore
• Detyrime globale/Penalitetet
Lexo: Tatimet publikojnë ndryshimet e taksave kombëtare
e-Albania është platforma online që ofron shumë shërbime publike, duke nisur që nga certifikata e lindjes. Kjo platformë është pjesë e planit për decentralizimin e shërbimeve publike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
