Fuqizimi i gruas, përfshirja e saj dhe diversiteti ishin temat e Masterclass-it të parë të iniciativës #Huawei4HER, aktivitet i zhvilluar në datën 25 Maj në Tiranë me temë “Sigurimi i hapësirës kibernetike nëpërmjet shkencës së të dhënave”.
Pjesëmarrës nga akademia, sektori privat dhe publik morën pjesë në aktivitet për të diskutuar mbi çështjet që impaktojnë gratë në fushën e teknologjisë, e mbizotëruar historikisht nga meshkujt.
Dr. Eralda Dhamo, lektorja e ftuar, tregoi përvojën e punës dhe paraqiti vizionin e saj për të ardhmen e këtij dimensioni emocionues të TIK.
Eventi, i zhvilluar në Qendrën “TEN” në Tiranë, i moderuar nga presidentja e Women4Cyber Albania znj. Klorenta Janushi, tërhoqi interesin e shumë studentëve, të cilët shprehën vlerësimin e tyre për përfshirjen në ciklet e mentorshipit dhe kërkuan të organizohen më shumë evente të ngjashme në të ardhmen.
“Huawei4HER është një iniciativë, e cila ka mbërritur në momentin e duhur për ne dhe e konsiderojmë veten me fat që kemi mundësinë të takojmë e të njihemi me ekspertët më të mirë të TIK për të shkëmbyer përvojat tona përmes këtij cikli të dedikuar mentorimi”, u shpreh një nga studentët pjesëmarrës.
“Ngritja e kapaciteteve për gjeneratën e re do të formojë një brez më të përgatitur dhe një ekosistem kibernetik më të sigurt në Shqipëri,” komentoi Dr. Dhamo.
Ngjarja shënoi gjithashtu aktivitetin e parë të nismës #Huawei4HER, e cila do të shërbejë si një mekanizëm në Shqipëri për zvogëlimin e hendekut gjinor dhe të aftësive në sigurinë kibernetike.
Nisma ka marrë shumë reagime pozitive edhe në nivelin e BE-së dhe konsiderohet si një nga praktikat më e mira për t’u zbatuar.
Ju mund të ndiqni rrjetet sociale për të marrë lajme të azhurnuara të nismës #Huawei4HER.
Instagram: https://www.instagram.com/women4cyber_albania/
Linkedin: https://www.linkedin.com/company/women4cyber-albania/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
