Windows 11 më në fund ka një datë lançimi dhe ju mund të përfitoni përditësimin falas - Business Magazine Albania

Windows 11 më në fund ka një datë lançimi dhe ju mund të përfitoni përditësimin falas

Windows 11

Microsoft më në fund ka njoftuar kur do të lançojë Windows 11, dhe data nuk është aspak larg. Më 5 tetor të këtij viti, të gjithë kompjuterët e kualifikuar që aktualisht funksionojnë në Windows 10 do të jenë në gjendje të përditësohen në Windows 11 falas. Microsoft do të lançojë një aplikacion falas Health Check për të kontrolluar përputhshmërinë së shpejti. Në të njëjtën ditë, kompjuterët e pajisur me Windows 11 do të jenë në dispozicion për blerje.

Sistemi i ri operativ u premton përdoruesve karakteristika të zgjeruara të produktivitetit për të ndihmuar në përmirësimin e rutinave tona të punës nga shtëpia me Teams e reja dhe integrimin e Microsoft 365. Windows 11 do të përfshijë gjithashtu shumë mënyra të reja për t’u çlodhur kur pushojmë në fund të një dite të zënë.

Gjatë muajve të fundit, kanë dalë shumë informacion në lidhje me atë që mund të presim nga sistemi më i fundit operativ Windows. Nëse nuk keni kohë për të mësuar gjithçka rreth Windows 11, ky nuk është problem, pasi kemi një përmbledhje të shpejtë të karakteristikave si më poshtë:

Lexoni: Microsoft ka publikuar pamjet e para se si do të duket Windows 11

Karakteristikat më të preferuara të Windows 11 deri më tani

Microsoft ka ngacmuar me shumë funksionalitete të reja që vijnë në Windows 11 kur të lançohet më vonë këtë vit, dhe shumë prej tyre janë krijuar për të ndihmuar në përmirësimin e jetës sonë të fokusuar në punë.

Funksionet e reja të Start do të ndihmojnë në integrimin e kompjuterëve tuaj të ndryshëm përmes Microsoft 365, duke ju lejuar të hapni shpejt dhe me lehtësi skedarët tuaj më të fundit pa marrë parasysh se cilën pajisje keni përdorur për herë të fundit. Nëse jeni duke punuar si nga shtëpia ashtu edhe nga zyra, kjo mund të jetë një benefit i madh pasi nuk do të keni nevojë për të kërkuar atë dokument që sapo po shkruanit.

Tashmë Teams do të integrohet në taskbar e Windows 11. Microsoft premton se ky integrim do ta bëjë më të shpejtë lidhjen dhe komunikimin me njerëzit që ju nevojiten.

Sidoqoftë, nuk ka të bëjë vetëm me punën, pasi Windows 11 gjithashtu mburret me përvojën më të mirë të lojrave të Windows. Ne do të duhet të presim dhe të shohim nëse mund të funksionojë, por teknologji të reja si DirectX12 Ultimate, DirectStorage dhe Auto HDR premtojnë se do të përfitoni sa më shumë nga pajisjet tuaja. Për më tepër, do të ketë integrim të përmirësuar midis Windows 11 dhe Xbox Game Pass ndërsa Microsoft vazhdon të ketë shërbimin e tij të shkëlqyer të abonimit të lojërave.

E fundit, por sigurisht jo më pak e rëndësishme, është shtimi i aplikacioneve Android në Windows 11. Falë një Store të ri Microsoft dhe bashkëpunimit me Amazon dhe Intel, përdoruesit do të jenë në gjendje të kenë qasje në një përzgjedhje të aplikacioneve Android në kompjuterët e tyre. Me kalimin e kohës, ne jemi të sigurtë se do të shohim që të shfaqen më shumë nga aplikacionet tona të preferuara Android.

/techradar

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0