V+O hap zyrën e re në Maqedoninë e Veriut dhe zgjeron praninë në Evropën Juglindore - Business Magazine Albania

V+O hap zyrën e re në Maqedoninë e Veriut dhe zgjeron praninë në Evropën Juglindore

V+O në Maqedoninë e Veriut do të ofrojë shërbime strategjike komunikimi dhe këshillimi për kompanitë, markat dhe organizatat globale dhe vendase, që veprojnë në tregun lokal. Këto shërbime do të përfshijnë, ndër të tjera, planifikimin strategjik, marrëdhëniet me median, çështjet publike, angazhimin e palëve të interesuara, menaxhimin e krizave dhe çështjeve.

Zyra do të drejtohet nga Adela Gjorgjioska. Adela sjell përvojë konkrete pasi ka punuar më parë në agjencitë e PR në Londër dhe Strasburg, si dhe Ministrinë e Punëve të Jashtme të Republikës së Maqedonisë së Veriut si Konsulente Komunikimi.

Grupi aktualisht është i pranishëm në 7 shtete me afro 150 profesionistë të PR që menaxhojnë klientët, duke u shërbyer më shumë se 190 klientëve, dhe duke iu drejtuar gjithsej 60 milionë konsumatorëve.

“Hapja e zyrës sonë në Maqedoninë e Veriut vjen në një moment unik, plot sfida dhe mundësi. Ne kemi gjetur tek Adela një partnere të besueshme dhe me përvojë, e cila ndan qëllimet tona në ofrimin e punës së shkëlqyer dhe krijimin e vlerës së shtuar për klientët dhe rrjetin tonë. Kombinimi i talenteve lokalë të kalibrit të lartë së bashku me shkallën e funksionimit të grupit tonë në rajon është e destinuar të sjellë një ofertë bindëse. Ne jemi shumë të ngazëllyer për atë që na pret ”, tha bashkëthemeluesi dhe CEO i V+O Group, Yiannis Olympios.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0