Vëllezërit Devolli nuk mjaftohen vetëm me Kosovën, ata po e shtrijnë monopolin edhe në Shqipëri  - Business Magazine Albania

Vëllezërit Devolli nuk mjaftohen vetëm me Kosovën, ata po e shtrijnë monopolin edhe në Shqipëri 


Vëllezërve Blerim e Shkëlqim Devolli si duket nuk po u mjafton monopoli  i homologimit të automjeteve vetëm në tregun e Kosovës, i cili deri me tani u ka sjellë të ardhura deri në dhjetëra miliona me Qendrën e Automjeteve të Kosovës (QAK), prandaj po synojnë që këtë biznes fitimprurës ta shtrijnë edhe në tregun e Shqipërisë.

Është siguruar një dosje voluminoze, e cila dëshmon përpjekjet për gati një dekadë të Blerimit dhe Shkëlqim Devollit për ta marrë të drejtën e biznesit të tyre në emër të këtij monopoli edhe në Republikën e Shqipërisë, duke konkurruar bashkë me shtetas shqiptarë. Në vitin 2009 në Kosovë e mori me shumë lehtësi monopolin e homologimit të automjeteve me një vendim të ish- ministrit të Transportit, Fatmir Limaj dhe zëvendësit të tij, Adem Grabovci.

Nga viti 2009 e deri me tani për homologimin e një veture të sjellë nga jashtë, kosovarët detyrohen t’i paguajnë 125 euro në llogari të QAK-ut, pronë e vëllezërve Devolli. Ndërsa gjatë një viti në Kosovë, sipas statistikave të Doganave të Kosovës, mesatarisht importohen rreth 20 mijë vetura.

Vëllezërit Devolli përpjekjen e parë për të hyrë në tregun e Shqipërisë e kanë bërë në mars të vitit 2008, ku kanë hapur kompaninë e njëjtë në kuadër të Qendrës Kombëtare të Regjistrimit të Biznesit në Tiranë.

Atë kohë kompania është regjistruar me emrin tregtar “Devolli Company”, me pronar të vetëm Blerim Devollin.

devolli-company-01

Vëllezërit me dy shtetësi
Fakti më interesant sipas kësaj dosjeje është se Blerim Devolli nuk figuron si shtetas i Kosovës, por kishte aplikuar me një shtetësi tjetër. Më poshtë janë të gjitha dokumentet zyrtare, të cilat i ka dorëzuar Blerim Devolli në Tiranë për ta regjistrua këtë biznes dhe ato do publikohen në një temë të veçantë. Kapitali themelor i kompanisë së regjistruar fillimisht ishte 100.000 lekë, apo mbi 700 euro.  Blerim Devollin kishte 100% të aksioneve të kompanisë së themeluar në vitin 2008.

Një vit më vonë, me kompaninë tjetër të tyre, “Devolli Group”, i bashkohet tregut të Shqipërisë për marrjen e të drejtave të koncesionit nga Autoriteti Publik i Republikës së Shqipërisë për themelimin e Qendrës moderne të homologimit të automjeteve. Kësaj here, kompania është regjistruar në emër të Blerim dhe Shkëlqim Devollit, por ky i fundit sipas dokumenteve zyrtare është regjistruar si shtetas i Kosovës.

Nga kapitali i mëparshëm prej 100.000 lekësh, Shkëlqimi ka rritur kapitalin në 7 milionë lekë, përderisa fondet janë ndarë në tri kompani: “Devolli company” do të ishte me 4.8 milionë lekë dhe “Devolli Group” me 2.2 milionë lekë të tjera, ndërsa “Eurolab” figuron si ortak me zero kapital financiar.

Kjo e fundit, “Eurolab”, është e autorizuar nga “Devolli”, për menaxhimin e Qendrës së Automjeteve të Kosovës (QAK).

2

Kontrata, investimet dhe përfitimet
Pavarësisht se të tria kompanitë, “Devolli Company”, “Devolli Group” dhe “Eurolab”, janë të lidhura njëra me tjetrën dhe pronë e vëllezërve Devolli, në Shqipëri, shihet se janë futur si ortakë në këtë biznes. Madje të bashkangjitura i kanë kontratat, ku janë të ndara aksionet dhe përgjegjësitë në investime dhe menaxhim.

Kështu që “Devolli Company” do të jetë përgjegjëse për sigurimin e pronës së patundshme prej 2.3 hektarëve, të përshtatshme për vendosjen e Qendrës së homologimit, në vlerë të së cilës i takojnë 45% të aksioneve në homologim.

“Devolli Group”, sipas kontratës, do të jetë përgjegjëse për sigurimin e 40% të financave të projektit kapital, nga kapitali i vet ose duke lidhur ndonjë marrëveshje financiare.

“Eurolab”, për përgatitjen e planit të biznesit, ekspertizën industriale ka marrë përsipër sigurimin e 40% të shpenzimeve/ financave të projektit kapital.

3 4 5 6 7

Vëllezërit Devolli dhe ortaku i tyre nga Durrësi
Kurse 7 vite me vonë, përkatësisht në fillim të këtij viti, kompania e Devollëve në Tiranë, me emrin “Euro Lab Center Alabania” , fut edhe partner nga Shqipëria në këtë biznes. Ortak i ri i tyre është kompania “Intechs Balkans” të cilën sipas kontratës e ka shtetasi i Shqipërisë Erindi Golemi, i lindur në Durrës.

Por e njëjta tashmë synon që përpos homologimit të të gjitha llojeve të automjeteve të transportit rrugor ta bëjë edhe kontrollin teknik të automjeteve, ashtu siç e gëzon privilegjin në Kosovë ku përpos homologimit merr edhe nga 5 euro prej secilës qendër të kontrollit teknik të automjeteve në emër të instalimit të kamerave monitoruese.

Kontratë kjo e dhuruar nga shteti i Kosovës, e cila i ka sjellë rreth 7.5 milionë euro vetëm gjatë periudhës 2009-2014. Derisa nga homologimi i automjeteve të hyrat vjetorë të kompanisë llogariten të jenë rreth 2 milionë euro në vit, apo rreth 15 milionë euro nga themelimi e deri më tani.

 

burimi: infokusi.com

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0