Kryeqyteti pritet të ketë linjën e parë të transportit të gjelbër publik. Kryetari i Bashkisë Tiranë Erion Veliaj ka publikuar linjën e re të autobusëve për kryeqytetin. Rreth 18 autobusë janë rreshtuar para ambienteve të sheshit ‘Nënë Terezë’ dhe shumë shpejt pritet që të futen në qarkullim.
Autobusët e rinj ekologjikë kanë ardhur në kuadër të marrëveshjesh ndërqeveritare të nënshkruar mes Gjermanisë dhe Shqipërisë, për financimin e projektit “Transporti i Gjelbër i Tiranës” në shumën e 50 milionë eurove.
“Ky është lajmi më i mirë i javës për qytetin, sepse shënon fillimin e modernizimit të transportit urban të Tiranës. Futja e një linje të re unazore, me 66 stacione dhe 24 autobusë hibridë brenda këtij viti, e rendit Tiranën ndër kryeqytetet e tjera të Europës, që përdorin mjete transporti që nuk ndotin mjedisin.
Jam shumë i lumtur dhe krenar edhe për kolegët e GIZ-it, të cilët po na ndihmojnë në procesin e vështirë të modernizimit të shërbimit urban. Forca!” shkruan në profilin e tij Veliaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
