Firma gjermane BioNTech është e bindur se do të kërkoj miratimin rregullator deri në fund të vitit për një vaksinë efikase për luftimin e koronavirusit, kështu tha CEO i kompanisë për TheWall Street të premten.
Mirëpo, doktor Ugur Sahin tha se për shkak të përhapjes së madhe të virusit, mund të duhet rreth një dekadë që popullata e botës ta arrijë imunitetin e duhur, edhe nëse vaksina bëhet e disponueshme në fund vitit.
Sahin shtoi se kompania mund të prodhojë disa qindra miliona doza para aprovimit dhe më shumë se 1 miliard doza deri në fund të vitit 2021. Javën e kaluar BioNTech njoftoi se vaksina Covid-19 deri tani ka dhënë rezultate të kënaqshme.
Kompanitë i publikuan gjetjet e tyre më 1 korrik në një letër preliminare, ku treguan se pjesëmarrësit e studimit në fazën e parë të vaksinës, iu përgjigjën imunizimit mirë. Ndërkaq, faza e dytë e studimit është duke vazhduar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
