Twitter lançon #stickers, një tipar i ri që lejon të përdorim simbole ose vizatime të vogla të stilit emoji.
Me lançim të caktuar në javën e ardhshme, Twitter do të pajiset me qindra emoji të cilat do të mund t’i ngjitni në fotot që postoni.
Ngjitësat e ri në rrjetin e famshëm social mund të rrotullohen dhe të ndryshojnë në madhësi në mënyrë që të mund t’i vëni kudo në fotografi.
Ngjitësit (sticker-at) nuk janë vetëm për estetikë, ato mund t’i përdoren edhe për hashtag vizual.
Kur shihni një prej tyre, mund të klikoni në të dhe të shkoni te faqja e cila ju shfaq të gjitha fotot me të njejtin sticker.
Tipari i ri në Twitter mund të përdoret edhe për të filluar një bisedë.
Ngjitësit kanë marrë një famë të madhe duke u inkuadruar së pari në Facebook e më pas edhe në Snapchat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
