Protestat e fermërevë dhe agropërpunuesve për rishikimin e skemës së TVSH-së, kanë marrë sërish një përgjigje negative nga Ministria e Financave dhe Ekonomisë.
Zyrtarët e lartë të kësaj ministrie kanë theksuar se skema nuk do të ndryshojë pavarësisht protestave. Niko Lera, Drejtori i Politikave në ministri, është shprehur për mediat se rimbursimi është vendosur si masë për të kompensuar fermerët nga blerja e lëndës së parë me TVSH. Kompanitë e përpunimit, sipas tij, nuk kanë kosto shtesë nga ndryshimet ligjore.
I vetmi sektor që mund të preket është ai i blegtorisë, ku fermerët paguajnë TVSH për një pjesë të lëndës që blejnë. Për këtë kategori do të shihet alternativa e kompensimit, në mënyrë që paratë të shkojnë aty ku duhet, sipas Drejtorit të Politikave.
Fillimi i javës nisi me protesta nga prodhuesit e qumështit, të cilën derdhën qumësht në rrugë në formë simbolike, ndërsa agropërpunuesit nuk blenë qumësht për tre ditë.
Agropërpunuesit thonë se kostoja e prodhimit do të rritet, e njëkohësisht çmimet.
Po gjatë ditëve të fundit, drejtuesi i Këshillit të Agropërpunuesve, tha se për shumë prodhime, kostoja e prodhimit vendas është më e lartë.
Sipas tij, qeveria duhet të rimbursojë TVSH-në, ose të taksojë në masën 14% prodhimet bujqësore që vijnë nga jashtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
