Tre gjëra që mund të mësosh nga Starbucks rreth marketingut në aplikacionet celulare » Business Magazine Albania – Media Dixhitale dedikuar Sipërmarrjes
Përditësuar së fundmi: 28/01/2020

Tre gjëra që mund të mësosh nga Starbucks rreth marketingut në aplikacionet celulare

Share
nga Admin
Jan 28, 2020
Business Magazine Albania constitutes an online periodical publication of business related articles. It is the first of
lexo me teper >

Ndoshta ti nuk je i dhënë pas kafesë dhe aq më tepër nuk je as klient i Starbucks, pasi në Shqipëri ende nuk ekziston ky rrjet kafenesh shumë i përhapur në botë, e veçanërisht në Amerikë. Por, ti mund të mësosh disa hile marketingu që përdor Sturbacks në aplikacionet celulare dhe që deri tani duhet thënë se kanë rezultuar tejet të suksesshme.

Telefonia celulare nuk është e ardhmja, ajo është e tashmja. Për marka lider siç është Starbucks, telefonia celulare është një realitet mjaft i rëndësishëm. Është aq i rëndësishëm sa në fakt kafeja po rikoncepton të gjithë mënyrën e të bërit biznes.

Starbucks ka qenë një lider në telefoninë celulare prej disa vitesh, duke hedhur në treg versionin e tij të parë të porosive përmes celularit në vitin 2014. Kjo praktikë shumë shpejt u bë aq popullore sa porositë përmes celularit i shkaktuan probleme të mëdha dyqaneve. Si rezultat, kompania ishte ndër të parat që krijoi dyqane të dedikuara, që i përgjigjeshin dhe i shërbenin klientëve që porositnin përmes celularëve, dhe shumë kompani të tjera e kanë aplikuar këtë mënyrë shërbimi. Tani Starbucks po hap një shteg të ri, pasi në fund të vitit 2019 ka hapur dyqanin e parë në New York, ku porosit online dhe shkon e merr në dyqan (pickup-only store), që pritet të shtrihet edhe më gjerë përgjatë këtij viti.

Suksesi i dyqaneve zinxhir të kafenesë, na jep një mësim të vlefshëm, që do të thotë se përvojat e mira të konsumatorëve përmes celularit, inkurajojnë zhvillimin e markës përmes kanaleve të tjera.

Sipas të dhënave të një sondazhi, afërsisht dy të tretat (61.4%) e klientëve të Starbucks përdorin aplikacionin e kompanisë. Shumica e tyre e përdorin për të porositur ose për të paguar në dyqan. Të dhënat gjithashtu tregojnë se aplikacioni promovon sjelljen e blerjes, pasi përdorimi i aplikacionit dhe frekuenca e vizitave duket se janë shumë të lidhura. Përdoruesit e aplikacioneve sipas të dhënave të sondazhit në fjalë ishin dy herë më të shpeshtë në dyqan gjatë javës dhe e vizitonin dyqanin deri në 10 herë gjatë ditës përmes aplikacionit.

Standardi i yllit të artë

Sigurisht, Starbucks është në një pozicion të lakmueshëm në krahasim me dyqanet e tjera të shërbimit të shpejtë. Konsumatorët mund ta porosisin shumë shpejt kafenë e tyre të mëngjesi, madje mund të shijojnë  të njëjtën kafe dhe të bëjnë kombinime mbi baza ditore, por kjo nuk është aq e lehtë të ndodhë me personat që porosisin drekën ose darkën në dyqanet e tjera. Megjithatë, çdo kompani që ka një aplikacion duhet të përpiqet të përfshijë elementet më të mira të strategjisë që përdor edhe Starbucks. Ja se si të veproni.

  1. Nxitni dhënien e shpërblimeve

Starbucks po investon fuqishëm në programet e besimit megjithëse në këtë fushë nuk është vetëm, pasi kjo po aplikohet nga Dunkin’ dhe Burger King, të cilët gjithashtu ofrojnë shpërblime për klientët që bëjnë porosi përmes aplikacioneve të tyre. Programet e shpërblimit zakonisht nxisin pjesëmarrjen. Sipas të dhënave  50%-60% e konsumatorëve shprehen se anëtarësia e tyre në një program besimi të një marke, i ka nxitur ata më shumë që të shkojnë fizikisht dhe ta vizitojnë dyqanin.

Përmes aplikacionit të Starbucks, përdoruesit mund të fitojnë yje te artë për çdo dollar që shpenzojnë.  Dhënia e këtyre shpërblimeve brenda një periudhe (6-12 muaj nga koha e blerjes, në varësi të nivelit të anëtarësimit) nxit klientët t’i përdorin ato dhe inkurajon blerjet e mëtejshme në mënyrë që klientët të vazhdojnë të qëndrojë besnikë dhe të ruajnë statusin e tyre. Këta elementë jo vetëm që përmirësojnë aplikacionin; por e bëjnë tërë përvojën e klientit më të këndshme, gjë që inkurajon qëndrimin e tyre besnik ndaj markës.

  1. Bëni oferta të personalizuara

Starbucks dhe markat e tjera si Nike dhe McDonald’s e trajtojnë celularin jo si një kanal, por më tepër si një mjet për të marrë përvoja dixhitale në kohë reale edhe kur janë offline.  Pra, çelësi për çdo përvojë të suksesshme të klientit është personalizimi.

Kjo do të thotë që aplikacioni Starbucks ruan të dhëna në lidhje me preferencat individuale të klientit dhe sjelljet e tij të blerjes, duke përdorur ato të dhëna për të prodhuar oferta unike dhe zbritje që synojnë drejtpërdrejt këta klientë. Një tjetër mënyrë për ta personalizuar është që të vendosni në app muzikën e preferuar të klientit që po e viziton. Ose të bëjë një ndërveprim gjithëpërfshirës që vendos ura përmes përvojës në internet dhe përvojës fizike në dyqan.

  1. Jepni informacion për vlerat e markës, origjinën e saj

Konsumatorët e rinj që i shtohen një marke zakonisht shihen si një forcë nxitëse e revolucionit celular, kjo për faktin se konsumatorët e rinj janë blerës që vijnë për shkak të vlerave të markës.

Pra, aplikacioni duhet t’u ofrojë përdoruesve një mundësi që ata të mësojnë më shumë rreth origjinës së kafesë së tyre thjesht duke skanuar paketën që e përmban atë. Tipari i gjurmueshmërisë do të sigurojë informacione shtesë dhe do të fokusojë pirësit e kafesë, tek prodhuesit e kafesë, dhe në përfundim do ta humanizojë më shumë markën që është në kërkim të origjinalitetit të saj.

Siç shihet Starbucks ka vendosur një standard të lartë për aplikacionet celulare dhe për marketingun, por ai nuk ka monopolin në praktikën më të mirë të mundshme.  Pasi të përfshijnë shpërblimin e klientëve të besuar, pasi të bëjnë oferta të personalizuara, pasi të japin sa më shumë informacion për vlerat e markës apo origjinën e produktit, kompanitë do të surprizohen sesa shumë do të rritet angazhimi dhe interesi i klientëve ndaj tyre.