Themeluesi i Huawei shpreson për një të ardhme më të mirë - Business Magazine Albania

Themeluesi i Huawei shpreson për një të ardhme më të mirë

Themeluesi i Huawei

Gjiganti kinez Huawei është pozicionuar në vend të pestë për prodhimin e smartphone, duke rënë kështu me dy pozicione për vetëm një vit. Themeluesi i Huawei Ren Zhengfei u shpreh gjatë një interviste se shpreson në një të ardhme më të mirë.

Ai po ashtu beson se SHBA do ketë një tjetër qasje kundrejt gjigantit kinez të telekomunikacionit. Edhe pse pranon se është ‘shumë e vështirë’ për Shtetet e Bashkuara që të ndërpresin sanksionet që kanë dëmtuar biznesin e smartphonëve, Zhengfei shpreson se administrata e re e SHBA do të ketë “politika më të hapura”.

Zhengfei, i cili nuk është paraqitur në media që nga marsi i vitit të kaluar, beson që administrata e Presidentit Joe Biden do të ketë parasysh interesat e biznesit amerikan. Sipas tij, bashkëpunimi me kompanitë kineze është edhe në “favor” të performancës financiare të kompanive amerikane.

“Huawei pati rritje pozitive si për të ardhurat e vitit 2020 ashtu edhe për fitimin neto,” tha Zhengfei, duke shtuar se besimi i klientëve po ashtu është rritur në mënyrë të konsiderueshme.

Huawei, prodhuesi kryesor i pajisjeve telekomunikuese të Kinës, u klasifikua në listën e zezë të tregtisë amerikane në maj 2019 nga administrata e ish-presidentit amerikan Donald Trump. Ky i fundit theksoi se Huawei përbën shqetësim për sigurinë kombëtare, ndërkohë kompania ka mohuar në mënyrë të përsëritur akuzat.

Lexo: Huawei prezanton smartfonin e tij të parë me 8GB RAM

Kjo ndaloi në mënyrë efektive kompanitë me bazë në SHBA që të kishin Huawei si ofrues për teknologjinë.

Që nga muaji gusht i vitit të kaluar, ndalimi u shtri edhe te kompanitë e huaja me biznes në Amerikë.

Zhengfei  beson se është akoma “shumë e vështirë” që Huawei të hiqet nga lista e zezë e njësive amerikane, por theksoi se vazhdon të shpresojë në blerjen e “volumeve të mëdha” të pajisjeve dhe materialeve amerikane nëse administrata e Biden do ta lejojë.

Mbijetesa

Zhengfei u shpreh i sigurt në aftësinë e kompanisë për t’ia dalë mbanë edhe pse biznesi i smartphonëve është akoma në vështirësi.

Sipas tij, vendosja e kompanisë në teknologjinë e minierave, aeroportet inteligjente dhe zonat e tjera do të kompensojnë të ardhurat e humbura nga biznesi i smartphone gjatë një viti. Biznesi i konsumatorëve të Huawei-t përbënte 54.4% të të ardhurave të kompanisë në vitin 2019.

Zhengfei tha se kompania nuk do të shesë pajisjet inteligjente të biznesit të tyre dhe se nuk do të ketë ndryshime në drejtimin e saj.

Muajin e kaluar Reuters njoftoi se Huawei është në fazat e para të bisedimeve për të shitur markat e saj të smartphone. Sipas tyre, kompania kishte filluar të shikonte mundësinë e shitjes së tyre që në shtator. Huawei mohoi se do të kishte  shitje të tilla.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0