The New York Times i sugjeron botës romanin e Ismail Kadare

Nuk dihet sa shqiptarë mund ta kenë lexuar, por New York Times po e sugjeron këtë libër për lexuesit e huaj në mbarë botën. 

“Kamarja e turpit”, (THE TRAITOR’S NICHE) shkruar nga Ismail Kadare përkthyer nga John Hodgson. Romani është botuar për herë të parë më 1978, si pjesë përbërëse e librit “Ura me tri harqe”, me titullin “Pashallëqet e mëdha”

Ai ka në qendër fatin e Ali Pashë Tepelenës, pashait rebel shqiptar, që u ngrit kundër sulltanit dhe shtetit osman, është konsideruar nga kritika botërore si një nga veprat më tragjike të Kadaresë, ku përshkruhet terrori shtetëror.

Ja si e përshkruan romanin gazeta amerikane:

“Kamarja e turpit”, libri i cili flet për një kokë të prerë të pashait rebel që shërben si një simbol i errët satirik në këtë roman të zymtë shqiptar të botuar fillimisht në vitin 1978. Një legjendë alegorike për diktaturën e shekullit të 20-të. “Ky roman zbulon – në mënyrë të shkëlqyer, të përmbledhur dhe komike, se shteti ekziston, në mënyrën e vet, dhe bashkë me të një kokë e frikshme,” shkruan lexuesi ynë Jason Goodwin. “Një Medusa, ndoshta, me aftësinë për të shkatërruar”.

Kliko për të porositur librin online në Bukinist.al.

Në listën e librave, prestigjozja New York Times rekomandon dhe tituj si:

•  A Memoir With Photographs, nga Bill Cunningham. 
• How American Work, American Business, and the American Dream Became Temporary, nga Louis Hyman. 
•  The Elite Charade of Changing the World, nga Anand Giridharadas.
• American Heiresses Who Married Into the British Aristocracy, nga Anne de Courcy.
• Americans in Combat in Afghanistan and Iraq, nga C.J. Chivers.
• IF YOU SEE ME, DON’T SAY HI, nga Neel Patel.
• I WILL BE COMPLETE, nga Glen David Gold.

/NYTimes