Një termocentral me gaz parashikohet të ndërtohet në Korçë. Koorporata Ndërkombëtare Financiare (IFC) ka prezantuar projektin për TEC-in me gaz në Korçë, investim privat me vlerë të parashikuar 500 milionë euro.
Ministria e Energjisë bën të ditur se projekti për ndërtimin e këtij termocentrali ka një fuqi 500 MW për prodhim energjie dhe ngrohje në periferi të qytetit të Korçës.
Institucionet përgjegjëse vendase e “kanë dhënë bekimin” për projektin e prezantuar. Pjesëmarrës në tryezën e donatorëve dhe investitorëve ishin përfaqësues nga Ministria e Infrastrukturës dhe Energjetikës, përfaqësues nga Ministria e Bujqësisë dhe Zhvillimit Rural, ERE, KESH, OST, OSHEE, AAA Shqipëri, Bashkia e Korçës dhe Prefektura e Korçës.
Specialistë nga IVICOM GmbH dhe konsulentët prezantuan projektin dhe studimet e fizibilitetit të tregut të përgatitura përgjatë 9 muajve të fundit.
Burimet zyrtare të Ministrisë së Energjisë bëjnë të ditur se, “Një analizë gjithëpërfshirëse e tregjeve rajonale dhe shqiptare të energjisë elektrike, gazit dhe ngrohjes, sipas studimit dëshmon qëndrueshmërinë financiare të këtij investimi”.
Investimi propozohet të realizohet tërësisht nga kompania austriake IVICOM GmbH.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
