Nëse kemi parë me vëmendje në desktopët tuaj, ose në ekranin e lap-topit, shenja e temperaturës është mes të verdhës dhe të kuqes, me nënshkrimin gati rekord.
Mediat ndërkombëtare njoftojnë se temperaturat pritet të tejkalojnë 40 grade Celsius pjesërisht në Spanjë, Francë, Greqi, Kroatia dhe Turqi.
Në Itali, temperaturat mund të arrijnë gati 49 gradë Celsius, ndërsa mes kësaj vale të nxehti është edhe shëipëria.
Vala e të nxehtit po prek një pjesë të mirë të Evropës, vëren BBC, ndërsa Evropa veriore po përjeton temperaturat më të ulëta të 10 viteve të fundit.
Pjesa e Europës mes Gjermanisë, Italisë, Francës dhe Ballkanit Perëndimor, është në temperatura të larta sa po ushtron presion mbi sistemet energjetike dhe të transportit. Lumenj si Rhine dhe Rhone janë prekur thatësirat
Shërbimi kombëtar i motit i Gjermanisë paralajmëroi për “fenomenin e nxehtësisë ekstreme në Rinin e Epërm” për këtë javë. Edhe shërbimi meteorologjik Italian bëri një paralajmërim të tillë, kur temperatura në Sardenja kaloi 40 gradë Celsius.
Ndryshimet klimatike po rrisin fenomenin e motit ekstrem në të gjithë hemisferën veriore këtë verë, duke sjellë nxehtësi të madhe nga Kina në Teksas, ndërsa përmbytjet goditën Nju Jorkun dhe Delhi. Rritja e temperaturave tregon se Europa ka thyer rekordet e vendosura vitin e kaluar.
Nxehtësia e verës dhe ujërat e pakta në lumin Rhine, i cili është kritik për transportin e mallrave të energjisë në Europë, mbeten në fokus këtë muaj. Niveli në Kaub – një pikë kyçe në lumin në perëndim të Frankfurtit – pritej të binte nën 1 metër një ditë më parë, sipas Administratës Federale të Ujit të Gjermanisë. Vitin e kaluar në gusht, niveli i ujit në Kaub ra nën 40 cm, nivel të cilin shumë kompani e konsideruan jo në gjendje për të transportuar mallra.
Lexo: A duhet të ndalohet reklamimi në billboard?
Maxar Technologies pret që vala e të nxehtit në Gjermani të ulet deri në javën e ardhshme, pasi temperaturat arritën në 35.5 gradë Celsius. Megjithatë, temperaturat mbi normale pritet të vazhdojnë në pjesën më të madhe të Europës Jugore, me Ballkanin që do të shohë temperatura afër 40 gradë.
Vendet nordike do të përjetojnë temperatura më të ftohta gjatë 10 ditëve të ardhshme. Londra pritet të jetë rreth 4 gradë nën normale për disa ditë, ndërsa Britania e Madhe në tërësi regjistroi qershorin më të nxehtë në histori.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
