Të ndryshojmë orbitën e hënës...ose tokës, për të luftuar ndryshimet e klimës - Business Magazine Albania

Të ndryshojmë orbitën e hënës…ose tokës, për të luftuar ndryshimet e klimës

Kongresmeni republikan nga Teksasi, Loui Gohmert, i ka kërkuar zyrtarëve të lartë të qeverisë amerikane të shohin mundësinë e ndryshimit të orbitës së hënës rreth tokës, ose atë të tokës rreth diellit, si një zgjidhje për ndryshimet e klimës. Pyetja e habitshme madje nuk i është drejtuar Nasas apo Pentagonit, por një zyrtareje të shërbimit të pyjeve, në një komision në dhomën e përfaqësuesve.

“E dimë se ka patur shumë aktivitet solar, dhe po pyesja veten nëse ka diçka që shërbimi kombëtar i pyjeve, apo byroja e menaxhimit të tokave mund të bëjë për të ndryshuar kursin e orbitës së hënës apo të orbitës së tokës rreth diellit”, pyeti Gohmert. “Sigurisht që kjo do të kishte pasoja të ndjeshme në klimën tonë”.  Zyrtarja ngriti supet dha u përgjigj: do të më duhet të konsultohem dhe mendohem për këtë. “Nëse gjeni një mënyrë që ju në shërbimin e pyjeve ta bëni këtë ndryshim, do të doja të më informonit”, iu përgjigj kongresmeni.

Edhe pse ai dukej se ishte plotësisht serioz, disa vëzhgues kanë aluduar se Gohmert po tentonte të shprehte një besim se ndryshimi i klimës ishte një fenomen ndryshimesh natyrale në orbitën e trupave qiellor dhe në këtë mënyrë, çdo përpjekje tjetër për të adresuar problemin, do të ishte e kotë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0