Virgin Atlantic do të lejojë stjuardesat femra të mos përdorin makeup gjatë fluturimit.
Linja ajrore gjithashtu do t’i lejojë ato të veshin pantallona si pjesë e uniformës së tyre standarde.
Ishte një ndryshim i rëndësishëm në një industri ku femrat stjuardesa shpesh duhet të jenë sa më të paraqitshme, të kujdesen për pamjen e tyre të jashtme duke i shtuar kësaj dhe faktin që janë më pak të paguara se meshkujt.
Edhe linjat low-cost, si easyJet dhe Ryanair, kanë rregulla më të buta në dukjen e staftit gjatë fluturimit. Ndërsa kompanitë ajrore që ofrojnë një shërbim më të shtrenjtë i udhëzojnë stjuardesat se çfarë makeup-i duhe të blejnë dhe të përdorin.
Mark Anderson, nënkryetar ekzekutiv i konsumatorit pranë Virgin Atlantic, tha se kompania ka dëgjuar përshtypjet e njerëzve dhe rregulli i ri do të mund ta lejojë ekipin e Virgin të shprehë më shumë veten në punë.
Sipas udhëzimeve të rregullores së uniformës nga 2015, të gjitha ekipet femra pritet, si minimum, të vënë buzëkuq dhe ruzh për faqet, të “pastrojnë dhe kujdesen” për vetullat e tyre dhe të fshehin “të metat e dukshme … kudo që të jetë e mundur”.
Stafit të British Airways i kërkohet minimalisht të përdorë buzëkuq, ndërsa stafi i Emirates inkurajohet t’i nënshtrohet një rutine të përbërë prej shtatë hapash, duke përfshirë një nuancë buzëkuqi që përputhet me kapelen. Ekuipazhi i kabinës United kërkohet të aplikojë makeup “konservativisht” dhe të shmangë “ngjyrat ekstreme”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
