Por të jesh i çuditshëm, aq sa njerëzit ta kenë të vështirë të përshaten me ty, nuk është edhe aq keq të paktën për shkencën. Në fakt një studim i vitit 2017 tregon se eleganca dhe finesa që kanë disa njerëz për të qenë jo të zakonshëm është një talent që i bën ata të jenë të suksesshëm në jetë.
Universiteti Oxford zbuloi se të jesh i çuditshëm në shoqëri do të thotë të kesh sukses në jetë, kjo si pasojë e lidhjes midis natyrës së çuditshme dhe talentit të veçantë. Ata fokusohen në një fushë të caktuar dhe vazhdimisht punojnë për ta perfeksionuar atë.
Psikologu Ty Tashiro, autori i librit Awkward, mbështetur në gjetjet e Universitetit të Oksford, pretendon se njerëzit e ngathët në shoqëri kanë më shumë gjasa të demonstrojnë “një talent të mrekullueshëm”.
Flasim për një rast kur njerëzit janë të aftë në një apo dy fusha të caktuara të jetës dhe janë mëse të zakonshëm në çdo gjë tjetër, shpjegon ai. Ndoshta mund ta keni vënë re se njerëzit që janë shumë të talentuar për diçka, janë më pak të shoqërueshëm apo të komunikueshëm. Ata kanë tendencën të fokusohen shumë në një temë të caktuar duke ju përkushtuar asaj në mënyrë intensive.
“Njerëzit e çuditshëm janë këmbëngulës dhe preferojne orë të gjata pune që i ndihmojnë të zotërojnë më mirë aftësitë e tyre në një fushë të caktuar “.
Studimi i vazhdoi kërkimet duke treguar se indikatori i talentit të fëmijëve nuk është niveli i tyre i inteligjencës (I.Q), por aftësia për tu fokusuar. Kjo flet shumë edhe për botën e të rriturve ku shumica e njerëzve të famshëm, intelektulëve apo politikanëve përkufizohen nga media si qenie të çuditshme.
Pra, çfarë mund të themi? Njerëzit janë të ndryshëm. Emri, I Çuditshëm, Mbiemri, Gjeni. Por fatëkeqësisht për shoqërinë tonë që jeton brenda kornizave, nuk mund të jenë të gjithë Ajnshtajn.
Studiuesit thonë se entuziazmi dhe fokusi mundet “ndonjëherë” të rezultojnë në “ekspertizë” dhe “inovacion”.
/Vt.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
