Sa shpesh qeshni në zyrë? Nga ajo e qeshura e çuditshme, që ndoshta shqetëson dhe kolegët. Në punë tregohemi të rezervuar, ndryshe nga ç’mund të jemi në përditshmërinë tonë.
Sipas një studimi nga institucione si Wharton, MIT dhe London Business School, e qeshura ul stresin dhe mërzitjen, rrit angazhimin dhe mirëqenien, dhe ndihmon jo vetëm kreativitetin dhe bashkëpunimin, por dhe saktësinë analitike dhe produktivitetin.
Menaxhimi i stresit tek punonjësit dhe drejtuesit është thelbësor. Kur jeni të stresuar, ju keni më shumë shanse për të vuajtur nga sëmundje, ankthi, pagjumësia, apo vështirësi përqëndrimi.
E qeshura është ilaçi më i mirë. Dhe është falas! Dhe nëse nuk gjeni kohë për të qeshur gjatë ditës, mund të përdorni këto mënyra të tjera për të reduktuar stresin dhe për të rritur produktivitetin.
Krijo një praktikë meditimi
Nëse arrin të organizosh mendimet e tua, do t’i japësh trurit një pushim shumë të nevojshëm. Kjo do të thotë se fokusi do të jetë i pastër si kristal kur të kthehesh sërish në punë. Një tjetër përfitim i meditimit është reduktimi i stresit dhe përmirësimi i humorit.
Largohu nga dhoma e mbledhjeve
Herën tjetër kur të kesh një takim me kolegët, zhvilloje jashtë. Ndoshta në një park aty afër, apo duke bërë një ecje jashtë ambientit të zyrës. Ky ushtrim do t’ju çojë nga karrigia dhe trupi juaj do të ndihet më mirë. Plus ai zhvillon kreativitetin përmes mjediseve të reja dhe ju frymëzon të shihni perspektiva të tjera përgjatë procesit.
Lexo një gazetë
Nëse je i stukturuar atëherë mjetet e planifikimit mund të të kursejnë shumë kohë dhe energji. Gazetat dhe revistat informuese mund të të mbajnë të fokusuar dhe plot energji për të filluar ditën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
