Qytetarët që konsumojnë duhan do të ndiejnë një rritje të kostos që nga fillimi i këtij viti. Çmimet e paketave të cigareve dhe produktet elektronike të njohura si “vape” janë rritur për shkak të akcizës, një takse që vendoset çdo vit për të rregulluar tregun dhe për të mbështetur buxhetin e shtetit.
Çmimi i cigareve ka shkuar nga 7,500 lekë në 7,750 lekë për 1,000 fije, ndërsa akciza për cigaret elektronike është rritur nga 18 lekë në 20 lekë për mililitër. Rritja e kostos pritet të ndikojë menjëherë te konsumatorët, duke e bërë produktin më të shtrenjtë në dyqane.
Qeveria ka synuar që përmes rritjes së çmimeve të ulë konsumimin e duhanit dhe të mbrojë shëndetin e qytetarëve. Megjithatë, të dhënat e importit dhe konsumit tregojnë se përdorimi i duhanit mbetet i lartë, duke treguar se politika e çmimeve ka efekt më të madh mbi të ardhurat e buxhetit sesa mbi sjelljet e konsumatorëve në afat të shkurtër.
Vetëm gjatë vitit të shkuar, deri në fund të nëntorit, në Shqipëri janë importuar 3,150 tonë duhan, niveli më i lartë i regjistruar ndonjëherë. Nga rritja e akcizës, Ministria e Financave pret të grumbullojë rreth 1 miliard lekë për buxhetin e vitit 2026.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
