"Shqipëria një vend jo i mirë për investime" është rezultati i vrojtimit të realizuar nga sipërmarrjet austriake - Business Magazine Albania

“Shqipëria një vend jo i mirë për investime” është rezultati i vrojtimit të realizuar nga sipërmarrjet austriake


Advantage Austria Albania prezantoi rezultatet e vrojtimit të realizuar me sipërmarrjet austriake që gjenden në Shqipëri për periudhën Shtator – Tetor 2016.

Sipas rezultateve të këtij vrojtimi, 43% e bizneseve austriake mendojnë se situata ekonomike është përkeqësuar gjatë vitit 2016, ndërsa 72% e tyre mendojnë se situata nuk pritet të ndryshojë përgjatë vitit 2017.

Në Shqipëri numërohen rreth 50 kompani austriake me 2 800 të punësuar dhe rreth 500 milionë euro investime direkte.

Vrojtimi, i kryer në periudhën Shtator – Tetor 2016, ndër të tjera, tregon se:

  • 29 % e sipërmarrësve austriakë mendojnë se Shqipëria është një treg për të cilin sipërmarrësit austriakë kanë tërheqje shumë të ulët për investime direkte.
  • 43 % e sipërmarrësve austriakë mendojnë gjatë vitit 2016, situata ekonomike në Shqipëri është përkeqësuar; 72 % e tyre mendojnë se viti 2017 nuk do të sjellë ndryshime.
  • 52 % e sipërmarrësve austriakë shprehen se zgjedhjet e Qershorit 2017 nuk do të ndikojnë pozitivisht në situatën ekonomike të vendit.

Problemet kryesore që sipërmarrësit austriakë hasin në Shqipëri janë: korrupsioni, mungesa e sundimit të ligjit dhe burokracia.

Shumica e tyre mendojnë se reforma në drejtësi do të kthejë besimin tek sipërmarrësit dhe do të nxitë investimet.

Kryesisht, sipërmarrësit austriakë në Shqipëri kërkojnë stabilitet, siguri dhe situatë të mirë financiare.

Dy muaj më parë, nga vrojtimi i Shoqatës së Investitorëve të Huaj në Shqipëri (FIAA) me 70 sipërmarrrës të huaj dolën në pah të njëjtat përfundime: Shqipëria nuk është një vend i favorshëm për të bërë biznes dhe korrupsioni është problemi kryesor për këtë.

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0