Shkencëtarët ‘ndërtojnë’ binjakun dixhital të Tokës - Business Magazine Albania

Shkencëtarët ‘ndërtojnë’ binjakun dixhital të Tokës

Shkencëtarët po ‘ndërtojnë’ një planet dixhital të njëjtë me planetin Tokë për të siguruar informacione në lidhje me motin ekstrem dhe ndryshimin e klimës. Ky “binjak dixhital” do të jetë një përfaqësim virtual i sa më shumë proceseve në sipërfaqen e planetit tonë duke përfshirë ndikimin e njeriut në ujë, ushqim dhe sistemet e energjisë.

Në të kaluarën, parashikimet e klimës dhe motit janë përqendruar në rajone lokale ose në sisteme më të mëdha globale. Me motin duke u bërë më i ashpër, ka një nevojë në rritje për të vlerësuar ndikimet e krizës së klimës. Pothuajse gjysmë milioni njerëz kanë vdekur në katastrofa natyrore të lidhura me motin ekstrem në dy dekadat e fundit, sipas Germanëatch, një organizatë jofitimprurëse Gjermane.

Një raport i Kombeve të Bashkuara zbuloi kohët e fundit se numri i incidenteve të lidhura me klimën është rritur në mënyrë dramatike që nga vitet 1980. Projekti shpreson të sigurojë një metodë të testimit të skenarëve që do të ndihmonin politikëbërësit dhe shkencëtarët të përgatiten për të ardhmen. Për shembull, do të bëhen skenarë hipotetikë siç janë ndërtimi i fermave me erë në të gjithë Europën dhe informacioni se ku të mbillni mund të sigurohen nga modeli.

“Nëse po planifikoni të merrni një tokë në Holandë, për shembull, unë mund të përshkoj të dhënat në binjakun dixhital dhe të kontrolloj nëse prona do të jetë prodhuese edhe nga ngjarjet ekstreme të pritura në 2050,” thotë Peter Bauer, bashkëstudiues i projektit.

‘Destination Earth’ është një projekt i përbashkët midis organizatave shkencore europiane dhe ekspertëve në informatikë në ETH Zurich, një Universitet publik kërkimor në Zvicër. Bashkimi Europian shpreson që ky projekt të mundësojë një zhvillim më të qëndrueshëm dhe të mbështesë politikat mjedisore në vitet e ardhshme.

Deri në vitin 2025, ekipi synon të ketë dhe funksionojë deri në pesë binjakë dixhitalë. Të dhënat nga këto simulime do të kombinohen për të krijuar “një binjak të plotë dixhital të Tokës”.

REUTERS

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0