Samsung Internet 15.0 Beta ka ardhur - Business Magazine Albania

Samsung Internet 15.0 Beta ka ardhur

Samsung Internet

Sasmung Electronics  lançoi versionin beta të Samsung Internet 15.0, i cili prezanton veçori të reja, të dizajnuara për ta bërë jetën e përdoruesve më të lehtë dhe për të mbrojtur më tej informacionin e përdoruesit me veçori të përmirësuara të privatësisë. Versioni beta i Samsung Internet 15.0 tani është gati për tu shkarkuar në Google Play Store ose Galaxy Store.

“Samsung punon pa u lodhur për të ofruar përvojën më të mirë të telefonave celular ndërsa ofron mënyra për t’ju ndihmuar të mbani privat informacionin tuaj personal me karakteristika të përparuara të privatësisë,” tha Du Kim, VP dhe Shef i Grupit Web R&D në Samsung Electronics. “Samsung Internet 15.0 beta ofron më të mirën nga të dy botët, me mjete të thjeshta që i ndihmojnë përdoruesit të shfletojnë më shpejt duke ruajtur kontrollin mbi të dhënat e tyre personale.”

Mbrojtje e zgjuar

Samsung Internet 15.0 beta mbron përdoruesit nga gjurmët e gishtërinjve – një teknikë që ndjek përdorimin e rrjetit për të ndërlidhur informacionin në lidhje me përdoruesit. Tani, falë teknologjisë së përmirësuar anti-gjurmuese, Samsung Internet 15.0 beta ndihmon që informacioni i përdoruesit të mbetet privat.

Samsung Internet 15.0 beta lejon përdoruesit të fshijnë të dhënat e ruajtura në pajisjet e tyre dhe siguron një pasqyrë më të madhe të asaj që do të fshihet. Më tej, sapo përdoruesi të aktivizojë Secret Mode, shfletuesi mbetet në Secret Mode, duke eleminuar hapat shtesë për ta aktivizuar atë çdo herë.

Kërkim i shpejtë dhe navigim i shpejtë

Samsung Internet 15.0 beta e bën më të lehtë se kurrë kërkimin e informacionit nga home screen. Është e shpejtë dhe e lehtë. Gjithçka çfarë duhet të bëni është të shkruani ose të përdorin zërin tuaj për të kërkuar në internet.

Lexo: Samsung dhe upday prezantojnë një aplikacion të ri emocionues të lajmeve eSports

Për ta bërë përvojën e shfletimit edhe më pak problematike, Samsung Internet 15.0 beta ruan përkohësisht faqet e mëparshme të internetit në mënyrë që përdoruesit të mund t’i hapin ato përsëri pa u dashur të bëjnë reload, duke ulur përdorimin e të dhënave ndërsa përdoruesit lëvizin ndërmjet  faqeve.

Pas periudhës së testimit beta, Samsung Internet 15.0 do të nisë zyrtarisht në fund të verës. Nëse jeni tashmë përdorues i Samsung Internet, do të merrni një njoftim kur versioni i ri të bëhet i disponueshëm.

Rreth Samsung Electronics

Samsung frymëzon botën dhe modelon të ardhmen me idetë dhe teknologjitë e tij transformuese. Kompania po ridimensionon botën e televizorëve, smartfonëve, aksesorëve, tabletave, aparateve dixhitale, sistemeve të rrjetëzimit dhe memorieve, sistemeve LSI, zgjidhjeve teknologjike dhe LED. Për të rejat më të fundit, ju lutemi vizitoni faqen e risive më të fundit të Samsung në adresën http://news.samsung.com.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0