Aktori i mirënjohur amerikan, Jim Carrey do të luajë rolin e kandidatit demokrat dhe ish-zv presidentit Joe Biden gjatë këtij sezoni në “SNL (Saturday Night Live)”. Ky emision rikthehet në një kohë që do të zhvillohen edhe zgjedhjet presidenciale të vitit 2020 në Shtetet e Bashkuara të Amerikës. Do të shfaqet premierë me pesë episode rresht përpara zgjedhjeve më 3 nëntor.
Carrey është një zgjedhje befasuese, duke marrë parasysh që ai nuk është pjesë e kastit dhe se ish-anëtari i kastit Jason Sudeikis është i njohur për rolin e Biden. Sidoqoftë, “SNL” njihet për prurjet e reja për të luajtur personazhe të rëndësishme, nga Robert de Niro si Robert Mueller, Brad Pitt si Dr. Anthony Fauci dhe, natyrisht, Alec Baldwin si President Donald Trump.
SNL po planifikon të ketë një audiencë të kufizuar në studio në Rockefeller Center për këtë sezon, i 46-ti në televizion njoftoi NBC. Do të jetë hera e parë që “SNL” transmetohet nga “Studio 8H” që prej muajit mars, për shkak të pandemisë së koronavirusit. Pas ndërprerjes së transmetimeve, “SNL” zhvilloi shfaqje virtuale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English