Rreth 4,500 nxënës të klasave I-V në të gjithë vendin, të cilët nuk kanë pasur aksesin e duhur gjatë periudhës së mësimit online në periudhën mars-maj 2020, kanë nisur sot mësimet plotësuese për t’u pajisur me njohuritë dhe aftësitë e nevojshme gjuhësore dhe matematikore.
Ministrja e Arsimit, Sportit dhe Rinisë, Besa Shahini ka publikuar një album me foto nga nisja e mësimit plotësues sot për nxënësit që nuk kanë pasur akses siç duhet gjatë mësimit online gjatë periudhës mars-maj, 2020.
Znj. Shahini thotë se shkollat kanë zbatuar të gjitha protokollet e kushteve higjieno-sanitare duke ruajtur distancimin fizik dhe mbrojtur shëndetin e gjithësecilit.
Për këtë proces dy-javor përsëritjeje që do të zhvillohet dëri më 11 shtator dhe do t’i paraprijë fillimit të vitit të ri shkollor, do të angazhohen rreth 2,600 mësues për 600 klasa të kësaj kategorie nxënësish.
Ndërsa më 14 Shtator, Ministria e Arsimit ka njoftuar se do të nisë procesi mësimor për të gjithë nxënësit, duke respektuar masat kundër Covid-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English