Reflektim
Asgjë nuk humbet kurrë në natyrë, çdo kufomë e vdekur riciklohet si ushqim për jetën; çdo gjë ka vendin e vet dhe kontribuon në një ekuilibër shumë të sofistikuar në sistem.
Pse ne njerëzit nuk riciklohemi si natyra? Pse i mbajmë brenda disa ndjenja, kujtime të caktuara dhe disa pjesë të vetes në bodrumin e shpirtit tonë? Ne besojmë se ato janë shumë të turpshme, të ndyra apo të gabuara në mënyrë që ndonjë gjë e mirë të dalë prej tyre.
Megjithatë, zemërimi mund të kthehet në dhembshuri; urrejtja në dashuri, arroganca në një këmbëngulje të përulur por të fuqishme.
Kur mësojmë të përqafojmë çdo pjesë të përvojës sonë jetësore, të integrojmë të gjitha kontradiktat në qenien tonë – vetëm atëherë ne jemi gati të jetojmë dhe të veprojmë si një e qenie e plotë.
“Energjitë e errëta” rimëkëmben dhe transformohen në të kundërtën e tyre, dhe shkëlqejnë me të njëjtin intensitet, por tani në mënyrë konstruktive.
Ushtrohu
Zhytu thellë brenda vetes tënde. Çfarë po të mban peng? Çfarë po të ndalon që t’i riciklosh energjitë tua “të vdekura”? Thjesht mendoje çfarë do të jetë e mundur për ty, kur ta integrosh këtë energji?
“Njeriu i mençur është gjithmonë gati t’i shfrytëzojë të gjitha mundësitë dhe nuk humb asgjë”. – Tao Te Ching.
Për të eksploruar më shumë këtë temë, ju rekomandoj të vizitoni: Nga Kuzhina Zen deri në Iluminizëm – Rafinimi i Jetës suaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
