Projekti “Gratë për Gratë” hap thirrjet për aplikime

“Gratë për Gratë”

‘M&M Ivanaj Foundation Institut’ ka hapur thirrjen për aplikime për gratë, biznesi i të cilave është prekur nga tërmeti i 26 Nëntorit 2019. Qëllimi i kësaj nisme është të sigurojë mbështetje financiare për një grup të përzgjedhur grash për të rifilluar / rikuperuar / rritur biznesin e tyre. Diapazoni i ndihmës financiare është midis $1000 – $1500 (ose ekuivalenti i tij në Lekë) për çdo aplikant të suksesshëm.

Aplikantët e interesuar duhet të shkarkojnë Paketën e Aplikimit (Formularin e Aplikimit dhe Tabelën e të Ardhurave Neto), plotësojnë të gjithë informacionin e kërkuar dhe t’i dërgojnë ato në adresën e mëposhtme të postës elektronike: [email protected]. Për më tepër, aplikantëve u kërkohet të dërgojnë 2-3 fotografi të dëmeve që tërmeti u shkaktoi bizneseve të tyre.

 “Gratë për Gratë”

Për të shkarkuar Paketën e Aplikimit, klikoni Ivanaj Foundation.

Pyetjet mund të dërgohen tek [email protected] jo më vonë se data 15 Shtator 2020. Afati i fundit për dorëzimin e aplikimeve është 30 Shtator 2020, ora 23:59 CET.

Ky projekt mbështetet nga kontributet financiare të mbledhura nga Gratë Shqiptaro-Amerikane në Washington DC, përmes Valbin’s Center for International Programs (CIP) dhe zbatohet nga ‘The Ivanaj Foundations of New York and Tirana’.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale