Product Tank Tirana, hap siparin në Protik

U zhvillua për herë të parë ditën e djeshme, pranë ambjenteve të Protik, ProductTank Tirana. Ky event i mirënjohur ndërkombëtarisht u soll në Tiranë nga Klajdi Turlla. ProductTank është komuniteti më i madh i Menaxherëve të Produktit themeluar në Londër. Të ftuar të këtij eventi ishin Elvis Bregu dhe Emil T. Lamprecht. Elvis Bregu është kreu i inovacionit pranë Vodafone Albania dhe Emil T. Lamprecht punon për Yunus Social Business Balkans dhe mentor i më shumë se 70 startup-eve.

Të dy prezantimet ishn mjaft interesante sepse trajtonin zhvillimin e një produkti nga dy këndvështrime të ndryshme. Trajtesa e kreut të inovacianit të Vodafone Albania solli eksperiencën e një kompanie të madhe në zhvillimin dhe menaxhimin e produkteve. Nga ana tjetër Emil T. Lamprecht  e trajtoi këtë temë për të gjithë ata që duan të zhvillojnë një startup.

Ky ishte vetëm fillimi i një serie të gjatë prezantimesh që pritet të mbahen nga ProductTank Tirana. Ky event nuk duhet humbur nga të gjithë kompanitë e mëdha apo të vogla, menaxherë, ekspertë apo individë që janë në hapat e para të hedhjes së një produkti në treg. Eventet e rradhës do të sjellin surpriza të reja dhe informacion të vlefshëm për komunitetin e sipërmarrjes këtu në Tiranë. Business Magazine i uron suksese të mëtejshme ProductTank Tirana.