Prej datës 10 maj, asistencë në çdo vendbiznesi për fiskalizimin - Business Magazine Albania

Prej datës 10 maj, asistencë në çdo vendbiznesi për fiskalizimin

fiskalizimi

Drejtoria e Përgjithshme e Tatimeve informon tatimpaguesit, se prej datës 10 maj, Shërbimi për tatimpaguesit në çdo Drejtori Rajonale Tatimore do të ofrojë asistencë dhe mbështjetje në çdo vend ushtrimi aktiviteti, për çdo tatimpagues, për regjistrimin e të dhënave fillestare në portalin SelfCare, në funksion të procesit të Fiskalizimit.

Vizitat e punonjësve të Shërbimit, do të kryhen me qëllim informimin dhe asistencën e tatimpaguesve për përmbushjen në kohë dhe me cilësi të detyrimeve ligjore për fiskalizimin dhe objektiv kryesor, maksimizimin e  numrit të tatimpaguesve të regjistruar në Portal, të cilët përmbushin detyrimet në mënyrë vullnetare.

Punonjësit që do ofrojnë asistencë në terren janë të trajnuar për detajet e procesit, janë pajisur me mjetet e nevojshme elektronike, tableta, për të mundësuar aplikimin konkret nga tatimpaguesit dhe do të paraqesin në çdo subjekt mjetin e tyre të identifikimit si dhe Urdhrin e Punës.

Gjithashtu, Tatimet bëjnë të ditur se pranë zyrave të shërbimit për tatimpaguesit në çdo DRT, do të ngrihet një sportel i posaçëm, Këndi i Biznesit të vogël, i dedikuar vetëm për suportin e tatimpaguesve të biznesit të vogël, lidhur me procesin e fiskalizimit.

Ky Shërbim do të ofrohet edhe nga sportelet e DPT në qendrat ADISA dhe në QKB.

Nga data 1 Korrik 2021, do të fiskalizohen transaksionet e shitjes pa para në dorë midis tatimpaguesve, e njohur si faza B2B dhe prej datës 1 Shtator 2021, edhe shitjet me para në dorë, transaksionet B2C.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0