Një pikturë e realizuar nga artisti britanik i rrugës Banksy është shitur për një rekord prej 16.7 milionë paund, të ardhura të cilat do të shkojnë për personelin e shërbimit kombëtar shëndetësor në Britani.
Piktura, “Game Changer”, e cila është imazhi i një infermiereje si një super heroinë iu shit një blerësi anonim për 14.4 milionë paund plus kostot e tjera, shuma më e lartë me të cilën është shitur ndonjëherë një pikturë e Banksy.
“The Game Changer nga Banksy shitet për 14,4 milion £. Bravo. Urime”, u shpreh Jussi Pylkkanen, presidenti global i shtëpisë së ankandeve ‘Christie’s’.
“Çfarë simboli domethënës i asaj që kemi kaluar të gjithë dhe mbështetjes së pabesueshme të Shërbimit Kombëtar shëndetësor që kanë qenë aty për muaj të tërë dhe do të vijojnë të jenë”, tha ai më tej.
Piktura është vepra e fundit nga artisti i britanik i rrugës, e cila doli në ankand dhe tejkalon rekordin e mëparshëm prej 9.9 milionë paundësh. Një kopje e “Game Changer” do të qëndrojë e ekspozuar në spitalin “Southampton General” në Angli, ku u shfaq për herë të parë në mënyrë misterioze.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English