Peruja ka hapur Machu Picchun për një turist të vetëm japonez, i cili kishte pritur për 7 muaj me radhë që të vizitonte vendin e trashëgimisë botërore.
Jesse Katayama kishte planifikuar të vizitonte Machu Picchun në muajin Mars, por u mbyll për shkak të koronavirusit, shkruan The Guardian.
Ministri peruan i Kulturës tha se këtij turisti iu dha leje për të hyrë brenda Machu Picchu pasi kishte paraqitur një kërkesë të veçantë. “Ai kishte ardhur në Peru me ëndrrën për ta vizituar Machu Picchun, prandaj ne e lejuam të futej, para se të largohej për në vendin e tij”.
Jesse Katayama kishte planifikuar që të udhëtonte vetëm disa ditë në Peru, por mbeti i bllokuar në qytetin Aguas Calientes pranë Machu Picchu në mes të muajit Mars për shkak të ndalimit të udhëtimit si pasojë e COVID-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
