Kryeministri Edi Rama dhe ministrja e Infrastrukturës dhe Energjisë, Belinda Balluku inaguruan të hënën paradite përfundimin e punimeve në ByPassin e Fierit.
Tenderi për ndërtimet e Bypass-it të Fieri u miratua më 2013 dhe punimet duhet të përfundonin në vitin 2017, por u ndërprenë për shkak të falimentimit të kompanisë. Financuesja e punimeve ka qenë Banka Evropiane për Rindërtim dhe Zhvillim (BERZH).
Bypass-i i Fierit, me gjatësi 22 kilomentra, lidh rrugët Lushje-Fier, Levan-Vlorë dhe Levan-Tepelenë.
Bypass-i i Fierit, autostradë e kategorisë B, ekstra urbane dhe me një limit shpejtësie prej 120 kilometrash, do të kontrollohet me radar shpejtësie për të monitoruar respektimin e rregullave nga drejtuesit e automjeteve.
Lexoni: Nisin fluturimet mes SHBA-së dhe Shqipërisë, shmangni biletat online
Prej mesditës së sotme, bypass-i është i hapur, në të dyja korsitë e tij, për qarkullimin e automjeteve.
Ai është pjesë e një korridori të rëndësishëm, që lehtëson trafikun nga Lushnja në Vlorë, veçanërisht gjatë sezonit turistik ku dhe fluksi i makinave është më i lartë.
Gjatë fjalës së tij, Rama njoftoi se së shpejti do të nisë dhe ‘asfaltimi në Bypass-in e Vlorës dhe do të hapet gara ndërkombëtare për projektin e Tunelit të Llogarasë’.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
