Finlanda është shpallur vendi më i lumtur në botë për të pestin vit radhazi, sipas një raporti vjetor.Edhe vendet e tjera nordike vazhdojnë të qëndrojnë lart në renditje.
Raporti i 10-të i Rrjetit për Lumturinë Botërore të Kombeve të Bashkuara për Zhvillimin e Qëndrueshëm, zbuloi se Finlanda qëndron në krye të listës, me distancë nga vendet e tjera që vijnë pas.
Danimarka mbeti në vendin e dytë, e ndjekur nga Islanda. Ndërsa, Suedia dhe Norvegjia zunë vendin e shtatë dhe të tetë në listë.
Renditja bazohet në mënyrën se si 146 vendet në listë shënuan në Sondazhin Botëror të Gallup midis 2019 dhe 2021. Vlerësimi mbulon faktorë të tillë si produkti i brendshëm bruto për frymë dhe mbështetja sociale, si dhe sesi qytetarët e një vendi vlerësojnë lirinë e tyre për të bërë zgjedhjet e tyre në jetë dhe bujaria.
Në fakt, raporti vuri në dukje një rritje globale të dashamirësisë në vitin 2021, mes pandemisë Covid-19.
John Helliwell, një profesor në Universitetin e Kolumbisë Britanike, që ndihmoi në redaktimin e raportit, tha se kishte pasur një “rritje të jashtëzakonshme mbarëbotërore” në tre aktet e mirësisë të matura nga Sondazhi Botëror i Gallup: ndihma për të huajt, vullnetarizmi dhe donacionet. Njerëzit i bënë të trija gati 25% më shumë se para pandemisë.
Në të vërtetë, megjithëse këto të dhëna u mblodhën përpara sulmit të Rusisë në Ukrainë, kriza ka parë shumë njerëz nga vendet fqinje të etur për të ndihmuar refugjatët ukrainas që ikin nga lufta.
Lexo edhe:Raporti për Indeksin Global/ Finlanda zë vendin e parë, Kosova ndër më të lumturit në botë
Raporti theksoi gjithashtu se vendet nordike prireshin të demonstronin nivele më të larta të besimit personal dhe institucional dhe në përgjithësi ishin më të mira në trajtimin e pandemisë së koronavirusit. Për shembull, në vendet nordike kishte 27 vdekje për 100,000 njerëz nga Covid-19 në 2020 dhe 2021, krahasuar me 80 në pjesën tjetër të Evropës Perëndimore.
Ky botim i Raportit të Lumturisë Botërore u përpoq gjithashtu të përdorte të dhënat për të hedhur dritë mbi faktorin “shpesh të anashkaluar dhe të nënvlerësuar” të ekuilibrit dhe harmonisë. Edhe një herë, njerëzit në vendet nordike, në veçanti, u zbuluan se përjetuan nivele më të larta ekuilibri dhe harmonie.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
