Në një kohë kur kompanitë e teknologjisë dhe laboratorët e Inteligjencës Artificiale promovojnë përdorimin e AI-së si të domosdoshëm në jetën dhe punën e përditshme, disa prej tyre po vendosin kufij befasues, pikërisht gjatë aplikimeve për punë.
Një shembull i tillë është kompania Anthropic, një nga aktorët kryesorë në fushën e AI-së, e themeluar nga ish-anëtarë të ekipit drejtues të OpenAI. Teksa po zhvillon një fushatë të gjerë rekrutimi, Anthropic ka vendosur një rregull të pazakontë në procesin e aplikimit: ndalohet përdorimi i inteligjencës artificiale për të hartuar aplikimin.
Në faqen zyrtare të karrierave, aplikantëve u kërkohet të shkruajnë një ese të shkurtër mbi arsyet pse duan të bëhen pjesë e kompanisë. Por në një paralajmërim të qartë, thuhet: “Edhe pse inkurajojmë përdorimin e AI-së për të përmirësuar efikasitetin në punë, gjatë aplikimit kërkojmë që të mos përdoren mjete të AI-së.”
Lexo edhe: TikTok prezanton funksionin e parë me AI për gjenerimin e videove nga fotografitë
Qëllimi, sipas kompanisë, është të kuptohet motivimi i vërtetë i kandidatit dhe të vlerësohen aftësitë e tij të komunikimit të pafiltruara nga teknologjia. Çdo aplikant duhet të konfirmojë se e ka lexuar dhe pranuar këtë kërkesë.
Ky qasje ka ngjallur diskutime mbi standardet etike dhe praktikat e punësimit në epokën e inteligjencës artificiale, duke ngritur pyetje se deri ku duhet të lejohet përdorimi i teknologjisë në proceset e vlerësimit njerëzor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
