Në përpjekje për të konkurruar më fuqishëm me kompani rivale të inteligjencës artificiale si Google, OpenAI ka prezantuar “Flex processing” – një opsion i ri API që ofron çmime më të ulëta për përdorimin e modeleve të AI-së në këmbim të kohëve më të ngadalta të përgjigjes dhe “mungesave të rastësishme të burimeve”.
Flex është i disponueshëm në versionin beta për modelet më të fundit të arsyetimit të OpenAI, o3 dhe o4-mini, dhe synon detyra me prioritet të ulët ose që nuk janë për përdorim prodhimi (jo live), siç janë testimet e modeleve, pasurimi i të dhënave dhe procese të brendshme asinakrone, njofton OpenAI.
Ky opsion e përgjysmon koston e API-së. Për modelin o3, përpunimi me Flex kushton 5 dollarë për një milion token-e input (~750,000 fjalë) dhe 20 dollarë për një milion token-e output, krahasuar me çmimin standard prej 10 dhe 40 dollarësh përkatësisht. Për o4-mini, Flex ul çmimin në 0.55 dollarë për një milion token-e input dhe 2.20 dollarë për output, nga 1.10 dhe 4.40 dollarë që janë çmimet standarde.
Lexo edhe:Amazing Albania:Nga Ksamili në Theth, këto janë “highlight”-et e Shqipërisë për 2025-ën
Ky lançim vjen në një moment kur kostoja e modeleve më të avancuara të AI-së po rritet ndjeshëm, ndërsa konkurentët po prezantojnë modele më të lira dhe më efikase. Vetëm një ditë më parë, Google prezantoi modelin Gemini 2.5 Flash, një model arsyetimi që konkurron apo tejkalon DeepSeek R1 në performancë, duke ofruar gjithashtu një kosto më të ulët për token.
Në një email dërguar klientëve për të njoftuar për çmimet e reja Flex, OpenAI bëri të ditur gjithashtu se zhvilluesit që ndodhen në nivelet 1-3 të hierarkisë së përdorimit (bazuar në shumën e shpenzuar në shërbimet e OpenAI) do të duhet të përfundojnë një proces të ri të verifikimit të identitetit për të pasur akses në modelin o3. Gjithashtu, përmbledhjet e arsyetimit të modeleve dhe mbështetja për API me transmetim (streaming) janë të kushtëzuara me këtë verifikim.
OpenAI ka deklaruar më parë se verifikimi i identitetit është krijuar për të parandaluar përdorimin abuziv të teknologjisë nga aktorë të këqij dhe për të forcuar zbatimin e politikave të saj të përdorimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
