Njerëzit sigurojnë jetesën nga mbeturinat e miliarderit


New York Times paraqet veteranin Jake Horta, 56 vjeç. Ai jeton në një shtëpi që gjendet pranë shtëpisë 10 milionë dollarëshe të Mark Zuckerberg, ku përfiton subvencione nga qeveria për strehim.

Horta gjeti një tharëse flokësh, fshesë me korent dhe aparat të kafesë nga mbeturinat në rezidencën e Zuckerberg-ut. Të gjitha ishin ende të përdorshme. Gjithashtu ai gjeti edhe një iPad diku.

Të ardhurat e përditshme të Horta-s sillen diku rreth 30-40 dollarë, vuri në dukje gazeta.

Sipas New York Times, është e paligjshme të marrësh mbeturinat në Kaliforni dhe përmbajtjen e kavanozëve të plehrave, të cilat ndodhen përgjatë rrugës, meqenëse janë në pronësi të një ndërmarrjeje për mbledhjen e mbeturinave.

Prania e grumbulluesve të mbetjeve përfaqëson hendekun në rritje midis të pasurve dhe të varfërve në San Francisko. Sipas analizës së Bloomberg në vitin 2017 në Shtetet e Bashkuara, San Francisko ishtë qyteti me diferencën më të madhe në këtë drejtim.

Po raste të ngajshme nuk mungojnë. Blogu Pantera Financiare shkroi për personin që tregonte se shiste artikujt e gjetur në mbetjet e apartamentit luksoz dhe fitoi më shumë se 1.000 dollarë. Kishte gjetur tavolina kafeje, rroba ende të etiketuara, etj.

Megjithatë, për disa njerëz, nuk është një jetë, por një hobi kërkimi i “thesarit” duke mbledhur mbeturinat e të tjerëve. New York Post paraqiti një grua në të 60-at. Ajo zotëron më shumë se 8 milionë dollarë pasuri të patundshme në New York City, por po grumbullon gjërat që ajo merr nga mbetjet thjeshtë për argëtim.

Të kthehemi te Horta. Ai tha për  New York Times, “Unë habitem nga gjërat që njerëzit hedhin”. Një natë, Horta gjeti xhinse, këpucë Nike dhe një biçikletë .

“Unë sinqerisht nuk e di se çfarë do të gjej në të ardhmen”.

/Business Insider

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale