Meta ka dalë në pah si një nga fuqitë më të mëdha në hapësirën teknologjike, një kompani që duket se mund të bëjë gjithçka. Dhe ndërsa kompania ka kaluar transformime të thella, edhe drejtuesi i saj, Mark Zuckerberg, ka ndryshuar rrënjësisht imazhin e tij publik, duke u kthyer nga “themuesi i Facebook-ut” në një figurë me ndikim global, tashmë me një pasuri që vlerësohet rreth 260 miliardë dollarë.
Një valë rekrutimesh për të sjellë ide të reja në laboratorët e teknologjisë së Meta-s
Sot, Meta po tërheq disa nga emrat më të njohur në industrinë e teknologjisë , ekspertë që e njohin thellësisht fushën dhe duan të jenë pjesë e asaj që vjen më pas. Me platforma si Facebook, Instagram, WhatsApp dhe Messenger, Meta zotëron një pjesë të madhe të mënyrës se si njerëzit komunikojnë në mbarë botën. Ambienti i punës inkurajon eksperimentimin dhe mendimin e guximshëm, edhe nëse jo çdo ide funksionon që në përpjekjen e parë. Të hënën, Zuckerberg njoftoi krijimin e Meta Superintelligence Labs (MSL), një njësi e re që bashkon të gjitha përpjekjet themelore të kompanisë në fushën e AI-së. Kjo njësi do të drejtohet nga Alexandr Wang, ish-CEO i Scale AI, dhe Nat Friedman, ish-drejtues i GitHub, të cilët janë dy nga emrat më të respektuar në industrinë e teknologjisë. MSL do të mbikëqyrë zhvillimin e modeleve open-source Llama, produkteve të AI-së dhe iniciativave të kërkimit. Aksionet e Meta-s arritën në një nivel rekord pas këtij njoftimi, sipas CNBC.
Meta rekruton nga rivali kryesor – OpenAI
Këtë herë, Meta nuk po rekruton nga burime të zakonshme, por po tërheq ekspertë direkt nga OpenAI, konkurrenti më i afërt në garën për dominimin e inteligjencës artificiale. Disa prej punonjësve më të rëndësishëm të OpenAI-së tashmë janë bashkuar me Meta-n, duke sjellë njohuri që kanë kërkuar vite për t’u ndërtuar. Ky “transferim talentesh” është kthyer në një strategji me ndikim të madh, duke i dhënë Meta-s mundësinë të përshpejtojë dhe të arrijë rivalët. Në një krahasim që ngjan me draftin e NBA-së, secili rekrutim i ri mund të ndryshojë rrjedhën e të gjithë kompanisë.
Rikrutimi i talenteve nga rivalët: Një taktikë që mund të sjellë fitore të mëdha
Historia tregon se kjo strategji ka funksionuar në të kaluarën. Google, për shembull, solli emra kyç nga DeepMind dhe përshpejtoi ndjeshëm zhvillimet në machine learning. Edhe Apple, duke tërhequr inxhinierë nga Microsoft, vendosi themelet e dominimit në teknologjitë mobile. Por një rekrutim i tillë ka gjithashtu kosto të larta. Meta thuhet se ka ofruar bonuse deri në 100 milionë dollarë për të tërhequr inxhinierë dhe studiues nga OpenAI – një presion financiar që pak kompani mund ta përballojnë. CEO i OpenAI, Sam Altman, ka pohuar publikisht se Meta po përdor strategji agresive për të tërhequr ekspertët më të mirë në fushë.
Lexo edhe:Pse CEO-t po e portretizojnë AI-në si armikun e madh të punësimit?
Talente të rralla që ndryshojnë drejtimin e industrisë
Një nga emrat më të përfolur është Alexandr Wang, një nga mendjet më të ndritura në AI. Si themelues i Scale AI, ai ka ndihmuar në ndërtimin e disa prej modeleve më të avancuara në botë. Në vitin 2021, ai u bë miliarderi më i ri në botë me forcat e veta, në moshën 24-vjeçare. Sot, në 2025, ai vlerësohet me një pasuri prej 3.6 miliardë dollarësh dhe do të jetë CEO i laboratorit të ri të Meta-s. Së bashku me të, edhe Nat Friedman sjell një përvojë unike si udhëheqës dhe vizionar teknologjik. Hires të tillë nuk sjellin thjesht aftësi teknike, ata sjellin lidership dhe ndikim që frymëzon ekipe dhe ndryshon drejtimin strategjik të kompanisë.
Kreativiteti dhe mendimi i guximshëm bëjnë diferencën
Zhvillimet më të mëdha në AI nuk kanë ardhur thjesht nga infrastruktura apo financimet, por nga njerëz që mendojnë ndryshe. Këta liderë kombinojnë dijen e thellë teknike me një sens të fortë të inovacionit. Pikërisht për këtë arsye, Zuckerberg i ka cilësuar këta rekrutime si “pjesë kyçe të një mozaiku më të madh”. Në një memo të brendshme, ai e përshkroi këtë nismë si “fillimi i një epoke të re për njerëzimin.” Ndër të rekrutuarit e tjerë janë Trapit Bansal, i njohur për avancimet në reinforcement learning dhe modelet “chain-of-thought” të OpenAI-së, si dhe Jack Rae, një nga drejtuesit e zhvillimit të teknologjisë së paratrajnimit për modelet Gemini të DeepMind. Këta ekspertë pritet të sjellin ide të reja, të analizojnë me sy kritik proceset aktuale dhe të kontribuojnë në ridizajnimin e strategjive të kompanisë.
Synimi: Inteligjenca artificiale që tejkalon çdo kufi aktual
Meta, përmes Superintelligence Labs, synon të ndërtojë sisteme AI që jo vetëm përpunojnë informacione, por mësojnë, arsyetojnë dhe përshtaten në mënyra që mund të revolucionarizojnë industri të tëra dhe shoqërinë në tërësi. Për të arritur këtë qëllim ambicioz, sigurimi i talenteve më të mira është thelbësor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
