Në qytetin e Korçës, kanë nisur përgatitjet për karnavalet, festa-simbol e qytetit, që çel sezonin turistik veror.
Sipas kryetarit të bashkisë Korçë, Sotiraq Filo, këtë vit karnavalet do të jenë ndryshe, të shpërndara në të gjithë qytetin, në sheshe dhe rrugë, për ta gjallëruar Korçën e për të shmangur grumbullimet e njerëzve.
Organizatorët kanë menduar t’i kryejnë festimet në një formë të veçantë përmes nismës “Shkrepe Karnaval”. Secili prej qytetarëve, që dëshiron të bëhet pjesë mund të shkrepë foto ose të xhirojë video me kostumin dhe maskën e preferuar dhe më pas ta postojë në rrjetet sociale. Në postim duhet të bëhen tag: Qendra e Artit dhe Kulturës, Teatri Korçë dhe Karnavalet e Korçës. Festimet e Karnavaleve dhe “Shkrepe Karnaval” do të fillojnë më 4 korrik.
Lexoni: Google Android integron muzikën e YouTube tek Maps
Karnavalet kanë filluar të festohen në Korçë, para viteve 1940, periudhë në të cilën jeta kulturore në këtë qytet ka qenë e larmishme. Festimi i Karnavaleve u ndërpre pas vitit 60, për të rifilluar në kushte të tjera shoqërore, pas vitit 90.
Korça është një ndër qytetet e para, që rizgjoi traditën e karnavaleve, duke krijuar në vitin 1992, Shoqatën e Karnavalit, si pjesë e Shoqatës Kombëtare të Karnavalit Shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
