Janë shpallur zyrtarisht fituesit e skemës Grant2025, një nga iniciativat më të rëndësishme për nxitjen e inovacionit dhe sipërmarrjes në vend. Nga 422 aplikime të mbërritura nga të gjitha qytetet e Shqipërisë, janë përzgjedhur 83 startup-e që do të përfitojnë financim për të zhvilluar më tej projektet e tyre inovative. Fondi total prej 300 milionë lekësh synon të krijojë një terren më të favorshëm për zhvillimin e sipërmarrjeve të reja dhe për të forcuar ekosistemin e inovacionit në vend.
Skema Grant2025 është ndërtuar për të mbështetur startup-et në tre faza të ndryshme të zhvillimit të tyre. Fituesit sipas fazave ndahen në:
- Faza e parë – Mbështetje për idetë e para: Janë përzgjedhur 19 startup-e, të cilat ndodhen në fazën e idesë dhe do të përfitojnë deri në 1.5 milionë lekë për të ndërtuar themelet e sipërmarrjes së tyre dhe për të konkretizuar idetë inovative.
- Faza e dytë – Zhvillimi i prototipit dhe validimi në treg: 43 startup-e me një produkt apo shërbim të formësuar dhe me një prototip tashmë të krijuar do të mbështeten me deri në 4.5 milionë lekë për të avancuar zhvillimin e produktit dhe për të siguruar qasjen e parë në treg.
- Faza e tretë – Zgjerimi i aktivitetit në tregje të reja: 21 startup-e që kanë tashmë një produkt në treg dhe kërkojnë të zgjerojnë veprimtarinë e tyre do të përfitojnë deri në 9 milionë lekë, si mbështetje për rritjen e qëndrueshme dhe depërtimin në tregje të reja.
Shpërndarja sipas sektorëve
Nga 83 startup-et fituese, projektet janë të shpërndara në mënyrë domethënëse në disa sektorë strategjikë, duke reflektuar prioritetet kombëtare dhe tendencat globale në fushën e inovacionit. Më konkretisht:
- 22 projekte janë në sektorin e Teknologjisë së Informacionit.
- 10 startup-e operojnë në fushën e Shërbimeve për Biznesin, duke ofruar zgjidhje që lehtësojnë operacionet dhe efikasitetin e ndërmarrjeve.
- 9 projekte janë të përqendruara në Turizëm, sektor ky me potencial të lartë për zhvillim të qëndrueshëm ekonomik dhe promovimin e Shqipërisë si destinacion ndërkombëtar.
- 8 startup-e fokusohen në EduTech, pra teknologjinë në edukim, me synim modernizimin e mënyrës se si mësojmë dhe mësojmë të tjerët.
- 7 projekte janë në sektorin e Prodhimit, një fushë me ndikim të drejtpërdrejtë në rritjen e kapaciteteve kombëtare për prodhim vendas.
- 6 startup-e kanë sjellë zgjidhje të reja në Shëndetësi përmes teknologjisë, duke prekur një sektor jetik për mirëqenien sociale.
- 5 projekte janë zhvilluar në fushën e Inteligjencës Artificiale dhe Tregtisë Elektronike, duke demonstruar një përputhje me trendet më të fundit globale.
- 4 startup-e operojnë në fushat e Marketingut dhe Medias, me ide të reja për komunikim dhe ndërveprim digjital.
- 2 projekte kanë në fokus Energjinë dhe Mjedisin, duke sjellë alternativa të qëndrueshme dhe miqësore me ambientin.
- Ndërkohë, nga një projekt i vetëm është përzgjedhur në sektorët e Sigurisë Kibernetike, Logjistikës dhe Teknologjisë në Sport
Fituesit:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
