Bashkimi Europian ka vendosur të largojë të gjitha llambat halogjene. Duke filluar nga muaji shtator do të përdoren vetëm llambat LED, ndërkohë që shitja e atyre të vjetra do të ndalohet.
Ky vendim është pjesë e fazës finale të rregullave të energjisë nga BE. Për të përmirësuar cilësinë e energjisë dhe për të penguar gjurmët e karbonit në të gjitha vendet europiane, janë përjashtuar të gjitha burimet e energjisë më pak efikase.
Llambat LED konsumojnë një të pestën e energjisë së llampave halogjene dhe heqja e tyre do të parandalojë më shumë se 15 milionë ton emetime të karbonit në vit.
Dritat halogjene janë më të lira se llambat LED, 278 lekë në krahasim me 974 lekë. Megjithatë, dritat LED kanë më shumë fuqi dhe zgjasin më shumë se llambat halogjene.
Philips, i vlerëson kursimet e konsumatorëve deri në 15.604 lekë në vit, sepse LED zgjasin shumë më tepër se llambat halogjene dhe përdorin shumë më pak energji.
Urdhri i ri ka shkaktuar shumë pakënaqësi me kritikët që akuzojnë BE për vendosjen me forcë të rregullave. Sipas tyre: “Përpjekja e BE-së për të ndaluar llambat e vjetra është e gabuar, sepse konsumatorët do të vuajnë financiarisht dhe gjithmonë janë më të varfërit që vuajnë më shumë nga këto lloj politikash. Konsumatorët duhet të kenë lirinë e zgjedhjes dhe nuk duhet të imponohen nga BE “.
/IndianExpress
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
