Shqipëria po bëhet gati të jetë pjesë e panairit më të madh në botë të turizmit ITB Berlin 2025 i cili do të zhvillohet nga data 4 deri në 6 mars në kryeqytetin gjerman. Nën sloganin “Albania All Senses“ vendi ynë do të prezantojë një vitrinë magjepsëse të pasurive kulturore dhe natyrore , si një ofertë turistike që nuk duhet humbur.
Si Vendi i Nderit i ITB Berlin 2025, Shqipëria do të prezantojë trashëgiminë e saj të pasur natyrore e kulturore në tre ditët e këtij panairi global të turizmit që hap siparin ditën e sotme në orën 18.00 në CityCube Berlin .
Kjo ceremoni është konceptuar me elemente kryesorë: një udhëtim kinematografik nëpër Shqipëri, performanca live me “Shkodra Elektronike” – përfaqësuesit e Shqipërisë në Eurovision 2025 –, muzikë tradicionale të njohur nga UNESCO dhe performanca të vallëzimeve tradicionale shqiptare nga Ansambli Kombëtar Shqiptar. Pas ceremonisë, të ftuarit do të shijojnë specialitetet shqiptare të kulinarisë në orën 19:30, në CityCube Berlin.
Turi i hapjes zyrtare të ITB Berlin do të nisë më 4 mars në orën 9:30 në stendën e Shqipërisë, si vendi mikpritës në Sallën 3.1, ku do të mbahet një ceremoni prerjeje shiriti, me pjesëmarrjen e Kryeministrit të Shqipërisë, Ministres së Turizmit dhe Mjedisit të Shqipërisë, Kryebashkiakut të Qytetit të Berlinit, Sekretarit të Përgjithshëm të Turizmit të Kombeve të Bashkuara dhe Drejtorit të Përgjithshëm të Messe Berlin. Një performancë artistike speciale do të shoqërojë ngjarjen.
Gjatë gjithë ITB Berlin, Shqipëria do të paraqitet në mënyrë të spikatur me një stendë të mrekullueshme prej 700 metra katrorë në Sallonin 3.1 (Stenda 105) dhe Sallonin 4.1 (Stenda 200), duke ofruar përvoja interaktive, mundësi për të bashkëpunuar dhe njohur industrinë shqiptare të turizmit.
Startup-et shqiptare në ITB Berlin
Pjesë e një ngjarjeje kaq të rëndësishme për ofertën turistike dhe imazhin e Shqipërisë në botë, janë edhe 5 startup-et shqiptare me një stendë të dedikuar, duke ju dhënë mundësi të reja për të zgjeruar edhe më tej projektet e tyre (Albanian Night, Patoko, Rent from Locals, Immersive Multimedial Arts si edhe Marine Data Claud )
Kjo hapësirë pritet të ofrojë partneritete dhe bashkëpunime të reja për sipërmarrjet shqiptare në tregjet ndërkombëtare.
ITB Berlin operon sukesshëm prej vitit 1966 duke qenë panairi më i madh në botë i turizmit në botë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English