Thonë se shtëpia është aty ku është zemra. Por për një masë të madhe njerëzish, shtëpia është aty ku është puna. Apo ushqimi. Apo siguria.
14% e njerëzve të rritur, rreth 710 milionë njerëz, thonë se ata duan të migrojnë në një vend tjetër.
Konfliktet, uria apo fatkeqësitë janë arsyet e migrimit në vende si Siria, Sudani i Jugut dhe Kongo. Ndërkohë papunësia është një faktor kronik në rrënjët e njerëzve që duan të largohen nga Shqipëria.
Lexoni: Emigrantët, pak hapësira për riintegrim. Intervistë me studiuesen dok. Erka Çaro
Por ku duan të shkojnë? Amerika është destinacioni i parë, një nga pesë emigrantë e përmend këtë vend të parin si destinacioni i preferuar dhe synuar. Ndërkohë Gjermania, Kandaja, Anglia, Franca, Australia dhe Arabia Saudite janë destinacionet e rreth 25 milionë emigrantëve.
Dëshira për të migruar është rritur më së shumti në vendet e Bashkimit Europian, në Amerikën Latine dhe në Karaibe, në Lindjen e Mesme dhe Afrikën e Veriut. Kjo është në kontrast me Azinë, SHBA dhe Kanada ku dëshira për të lëvizur ka mbetur mjaft konstante.
Shifrat gjithashtu tregojnë se pas krizës financiare globale, dëshira për të migruar është zvogëluar. Por me një klimë ekonomike të përmirësuar, krahas trazirave në rritje në disa pjesë të botës, numri i njerëzve që dëshirojnë të lëvizë është përsëri në rritje.
Shqipëria renditet e treta në listën e vendeve me dëshirën më të lartë për të migruar, me 56%.
/WeForum
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
