NBG Shqipëri blihet nga Banka Amerikane e Investimeve ABI Bank

• Pas shumë vitesh që kishte dalë në shitje, Banka Kombëtare Greke në Shqipëri blihet nga ABI Bank, Banka Amerikane e Investimeve. Banka greke ka bërë të ditur se ka shitur 100% të aksioneve të degës së saj në Shqipëri.

Transaksioni është realizuar në kuadër të planit të ristrukturimit të NBG, bën të ditur banka mëmë në Greqi.

Objekti i transaksionit është kapitali i NBG, (bazuar në raportin e tremujorit të tretë 2017) dhe pritet të miratohet nga Banka e Shqipërisë dhe Autoriteti i Konkurensës. Të dy kompanitë po asistohen nga këshilltarë ligjorë e financiarë. Megjithëse kompanitë nuk e kanë theksuar në njoftimet e tyre zyrtare, transaksioni vjen pas një periudhe relativisht intensive tratativash, ndërkohë NBG Albania prej vitesh kishte dalë në shitje.

Rreth NBG Shqipëria

NBG në Shqipëri filloi të operonte në vitin 1996. Në vitin 2012, ajo u bë një bankë plotësisht e licensuar dhe e pavarur dhe që atëherë vepron si degë e plotë e NBG. NBG Shqipëri ofron një gamë të gjerë të produkteve financiare për klientelën e saj të shitjes me pakicë dhe të korporatave, duke përfshirë produktet e kreditimit, depozitat, financimin e tregtisë, menaxhimin e parave të gatshme dhe shërbimet e thesarit.

Rreth ABI Bank

Banka Amerikane e Investimeve, është një degë tërësisht në pronësi të Tranzit Sh.pk, një institucion financiar jobankë në Shqipëri, i fokusuar në ofrimin e mundësive fleksibël të financimit për kompanitë dhe individët. ABI është i licencuar për të kryer aktivitete kreditore dhe depozituese, shërbime pagesash në Shqipëri dhe jashtë saj si dhe aktivitete të tjera bankare në përputhje me ligjet shqiptare.