“Shoqata Kombëtare e Ndërmjetësve të Pasurive të Paluajtshme të Shqipërisë” (NAREA) shpreh shqetësim të thellë për kontrollet e fundit të Administratës Tatimore në agjencitë imobiliare dhe mënyrën se si janë mediatizuar.
Në një komunikatë drejtuar mediave, NAREA dënon demonizimin e sektorit, i cili përfshin rreth 1,500 agjentë të licencuar që krijojnë të ardhura kryesisht përmes vetëpunësimit. Organizata nënvizon se përpjekjet për të nxjerrë lajme sensacionale kanë krijuar klimë paniku dhe dëmtim imazhi për profesionistët e sektorit.
NAREA thekson se ka bashkëpunuar rregullisht me institucionet qendrore, duke përfshirë qeverinë dhe organet e inteligjencës financiare, për të përmirësuar përputhshmërinë me ligjin Nr. 9/2022 që rregullon profesionin e ndërmjetësit të pasurive të paluajtshme. Organizata është gjithashtu pjesë e vlerësimeve ndërkombëtare nga FATF, MoneyVal, Komisioni Evropian dhe FMN.
Lexo: 500 mln euro për e-qeverisjen në 4 vjet, rekord punonjësish në administratë, por sistemi nuk punon!
Sipas NAREA, moszbatimi i ligjit nga platforma online dhe operatorë informalë ka krijuar hyrjen e aktorëve të palicencuar, duke dëmtuar konkurrencën dhe punën e agjentëve të licencuar. Në këtë kontekst, shoqata kërkon nga Administrata Tatimore qartësi në komunikim, plan operacional dhe objektivat e kontrolleve, si dhe trajtim partnerial të NAREA dhe anëtarëve të saj.
NAREA kujton se është anëtare e plotë e organizatave ndërkombëtare të real estate: NAR (National Association of Realtors®) në SHBA dhe CEPI (European Association of Real Estate Professions) në Bruksel, ku udhëheq Task Forcën e Përhershme të Komunikimit me Komisionin dhe Parlamentin Evropian.
Drejtori Ekzekutiv i NAREA, Reinaldo, thekson se përpjekjet për të mbrojtur standardet profesionale dhe për të luftuar informalitetin duhet të bëhen bashkërisht me shoqatën, dhe jo përmes fushatash mediatike që cënojnë imazhin e agjentëve të licencuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
