Raportohet se Korea e Veriut do të dërgojë Kim Yo Jong, motrën më të vogël të diktatorit Kim Jong Un, në Lojërat Olimpike Dimërore që do të zhvillohen në Korenë e Jugut.
Korea e Jugut është shprehur se do ta pranojë vizitën e saj dhe do t’i sigurojë një akomodim të përshtatshëm, sipas Wall Street Journal. Do të jetë hera e parë që të huajt takojnë një pjesëtar të familjes Kim.
Kim është një anëtare e familjes së fuqishme që udhëheq Korenë e Veriut dhe shërben si zëvendës drejtoreshë e Komitetit Qëndror të Partisë së Punës së Koresë dhe pjesë e byrosë politike. Kim punon mbi propagandën dhe ndihmon në mbajtjen lart të imazhit të vëllait të saj duke mbajtur gjithashtu edhe logjistikën e takimeve të tij, thonë raportet.
Për shkak të përfshirjes së Kim me regjimin dhe lidhjes së saj me raste të abuzimit të të drejtave të njeriut, ajo është sanksionuar në mënyre individuale nga Shtetet e Bashkuara dhe kjo mund t’i bëjë përgatitjet për lojërat një makth.
Por Ministri i Unifikimit të Koresë së Jugut, është shprehur se do të punojë me koreano veriorët për të zgjidhur problemet e ndalimit të udhëtimit e të tjera problematika të lidhura me këtë fushë dhe se mendon se përfaqësimi i Koresë së Veriut me një deleagate kaq të rëndësishme, e cila përfaqëson në këtë mënyrë dhe Partinë e Punës atje, është dicka me rëndësi.
SHBA do të dërgojë Zëvëndës Presidentin Mike Pence në lojëra dhe ky i fundit është betuar se do të ndalojë Korenë e Veriut nga sabotimi i mundshëm i evenimentit. Edhe pse nuk e ka të përfshirë zyrtarisht në axhendë, Pence është shprehur se është i gatshëm të flasë me delegacionin koreano verior.
Në përpjekje për të përmirësuar marrëdheniet midis 2 Koreve, Korea e Jugut ka lejuar rritjen e aksesit për koreano veriorët, por një delegacion i një niveli kaq të lartë rrezikon të bëjë një rritje kundrejt ndalimit të mallrave të luksit, ndaj Pjongyangut.
burimi: businessinsider.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
