Lufthansa anullon të tjera fluturime. Punonjësit dalin në grevë

Greva e punonjës të saj e ka goditur Lufthansën; gjigandi gjerman është detyruar të anullojë më shumë se 1000 fluturime në aeroportet e Frankfurtit dhe Mynihut, dy qendrat kryesore të tij.

Fluturime pritet të anullohen edhe më vonë gjatë javës, pasi efektet e grevës njëditore do të vazhdojnë. Vendimi i stafit ka prekur dhjetëra mijëra pasagjerë, pikërisht në kohën kur kriza e udhëtimeve vazhdon të thellohet në Europë.

Lexo edhe: Lufthansa thotë se deri vitin e ardhshëm do të ketë probleme me fluturimet

Rreth 134,000 pasagjerëve u është dashur të ndryshojnë planet e tyre apo t’i anulojnë ato. Nga kjo lëvizje janë prekur më shumë bazat e Lufthansës në  Frankfurt dhe Mynih, por fluturime të saj janë anulluar edhe në  Dyseldorf, Hamburg, Berlin, Bremen, Hanover, Shtutgart dhe Këln. Kompania vetë u ka ka sugjeruar pasagjerëve të mos shkojnë nëpër aeroporte, sepse për shumicën e shërbimeve nuk ka staf.

Terminalet ishin të zbrazëta në orët e para të mëngjesit, por më vonë njerëzit kanë tentuar të gjejnë zëvendësime për fluturimet e anuluara. Sindikata Verdi u ka bërë thirrje rreth 20.000 punonjësve që përbëjnë stafin tokësor të Lufthansa-s për të hyrë në grevë për të ushtruar presion mbi drejtuesit e saj  në kontekstin e negociatave të vazhdueshme për pagat. Michael Niggemann, kreu i burimeve njerëzore në Lufthansa, kritikoi thirrjen për grevë, duke thënë se ishte një “përshkallëzim i hershëm pas vetëm dy ditësh negociata në atë që deri tani ka qenë një raund i negociatave kolektive konstruktive”.