Kryeqyteti i Kulturës Europiane fton artistët e rinj. E ardhmja e Europës e përmbledhur në një murale - Business Magazine Albania

Kryeqyteti i Kulturës Europiane fton artistët e rinj. E ardhmja e Europës e përmbledhur në një murale

murale

Delegacioni i Bashkimit Europian në Serbi, në bashkëpunim me New Moment New Ideas Company dhe në partneritet me Këshillin Bashkiak të Novi Sadit për Kulturë dhe Fondacionin “Novi Sad – Kryeqyteti Europian i Kulturës”, fton artistë të rinj nga 18 deri në 35 vjeç nga Serbia, Ballkani Perëndimor dhe Europa për të aplikuar për ‘Paint Me the Future of Europe’ — një nismë për të krijuar një mural në Novi Sad, kryeqyteti i kulturës europiane të këtij viti.

Nëpërmjet një muraleje dhe angazhimit aktiv në aktivitete të tjera kulturore në Novi Sad, artistët e përzgjedhur do të demonstrojnë përsosmërinë e tyre artistike, vizionin e tyre për të ardhmen e përbashkët në kontinentin europian dhe aftësinë e tyre për të reflektuar mbi tema të përfshira shoqërore.

Proçesi i aplikimit është i hapur nga 25 shkurti deri më 18 mars, pas së cilës tetë artistë të përzgjedhur do të pikturojnë një mur së bashku në “Kalanë e Viktimave të Bastisjes” përballë kalasë së Petrovaradinit gjatë qëndrimit të tyre në Novi Sad, nga 18 prilli deri më 9 maj. Murali do të zbulohet zyrtarisht më 9 maj, si pjesë e festimeve të Ditës së Europës.

Të gjitha aplikimet do të vlerësohen nga një ekip i njohur jurie i kryesuar nga Lazar Sakan, krijuesi dhe kuratori i Galerisë New Moment, e cila ka pritur disa qindra ekspozita dhe ngjarje kulturore të rëndësishme gjatë 12 viteve.

Lexo: Bashkia e Tiranës bën bashkë turizmin dhe inovacionin: “Bashkëpunim për digjitalizimin e shërbimeve dhe tërheqjen e nomadëve digjitalë”

Anëtarë të tjerë të jurisë janë Drejtoresha e Galerisë Matica Srpska; Dr. Tijana Palkovljević Bugarski, artistin konceptual Nikola Džafo dhe dy përfaqësues të Delegacionit të Bashkimit Europian në Serbi.

Artistët që dëshirojnë të marrin pjesë në ‘Paint Me the Future of Europe’ duhet të plotësojnë një formular aplikimi, duke paraqitur një CV të shkurtër, një portofol dhe një skicë të vizionit të tyre për temën, në këtë link: futureofeurope.newmoment.com, ku mund të njihen me detajet në lidhje me aplikimin për iniciativën dhe ngjarjet rreth përgatitjes dhe krijimit të muralit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0