NVIDIA publikoi pak ditë më parë raportet e saj financiare dhe ato ishin spektakolare. Për 3 mujorin e parë fiskal (fundi i Janarit-fundi i Prillit) kompania realizoi të ardhura prej $3.2 miliardë. Kjo është 10% se 3 mujori paraardhës dhe 66% se 1 vit më parë. Të ardhurat u rritën me 11% nga 3 mujori paraardhës dhe plot 145% nga viti i shkuar. Arsyeja! Pikërisht kryptovalutat.
Super rritja e Etherum por edhe e kryptovalutave të tjera, në muajt e fundit, ka krijuar kërkesë të madhe karta grafike ku të bëhet “mine”. E gjithë kjo ka bërë që çmimet e disa kartave grafike nga më të mirat, të thuajse dyfishohej në “tregun e rrugës” midis mesit të 2017 dhe Shkurtit 2018.
Ky është një subjekt mjaft sensitiv për prodhuesit e kartave. Kjo, sepse për shumë kohë, tregu kryesor i kompanive kanë qënë lojtarët, jo miner-at. Madje kjo ka shkaktuar pakënaqësi në rradhët e lojtarëve. Kjo, sepse ata nuk e pëlqejnë idenë e rritjes së çmimeve për shkak se kriptovalutat dhe miner-at kanë marrë goxha zhvillim.
Ndërkohë, NVIDIA pranoi se për 3 mujorin e dyte në rradhë, kriptovalutat luajtën një rol të rëndësishëm në përmirësimin e pikëpamjes financiare.
“Kërkesa për kriptovalutat ishte edhe një herë më e fortë nga sa pritej. Por, ne ishim të gatshëm të mbushnim pjesën më të madhe të saj me GPU specifike për të.” – tha CFO i NVIDIA, Colette Kress. “Si rezultat, ne mund të ruajmë balancën me GPU për lojtarët.”
Vetëm GPU për kriptovalutat, llogaritet të kapin një shifër prej $289 milionë. Kjo, është gati 10% i të ardhurave vjetore të kompanisë. Nëse shkon në një dyqan, nuk ka asnjë mënyrë që NVIDIA t’a dijë se për çfarë është e dedikuar ajo GPU. Edhe nëse pjesa tjetër e kartave do të ishin ekskluzive për lojtarët, mungesa e kartave të tjera do të rriste çmimin mesatar të tyre. Rrjedhimisht edhe përfitimet ekonomike të kompanisë.
E njëjta histori ka ndodhur edhe me rivalin e NVIDIA, pikërisht AMD. Ata gjithashtu publikuan raportet e tyre pak javë më parë. AMD gjithashtu raportoi rekorde të ardhurash. Rrithja ishte 23% nga 1 periudhë më parë dhe 40% nga 1 vit më parë. Ajo realizoi $81 milionë të ardhura në 3 mujtorin e parë të vitit 2018. Kjo, në $19 milionë humbje në 3 mujorin paraardhës dhe $33 million në të njëjtën periudhe të 1 viti më parë. AMD gjithashtu raporton se shitjet për kriptovalutat përbëjnë 10% të të ardhurave.
Por, shifra të tilla duket se do të bien në muajt në vazhdim. Vlera e shumë kriptovalutave ka rënë dhe i njëjti fat mund t’i shoqërojë e kartat grafike.
Burimi: Ars Technica
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
