Kreu i OSHEE, Ardian Çela, tha gjatë mbledhjes së Komitetit të Energjisë, se janë kapur disa raste të abuzimit me përdorimin e energjisë elektrike. Për këto përmendi shtëpitë e barit dhe kriptomonedhat, ndërsa foli për mundësinë e ndërprerjes së disa investimeve për shkak të krizës.
“Niveli i humbjeve teknike llogaritet në 15% dhe ka një raport që për 1% humbje teknike ne duhet të investojmë 50 milionë euro. Ne jemi në nivelin 92% për kategoritë familjare. Problem përbëjnë muajt e parë të vitit. Tani jemi duke rikuperuar. Ka një problematikë që vihet re për herë të parë dhe lidhet me biznesin që i ndryshoi tarifat. Kemi proceduar disa herë me shkelësit e ligjit,” tha ai.
Ai theksoi se janë konstatuar edhe raste të përdorimit të energjisë elektrike për bimë narkotike dhe kriptomonedhat. “Në lëvizjen e fundit që u bë, çlirohet OSHEE nga sikleti i investimeve. Kemi disa projekte që do të vazhdojmë. Do jemi më të mbledhur sa u përket investimeve. Por, nuk do lëmë pas dore investimet e rëndësishme”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
