Kreu i Organizatës Botërore të Shëndetësisë ka dalë me një thirrje të drejtpërdrejtë për liderët e botës që të mos humbasin besimin dhe të mos dorëzohen në luftën përballë përhapjes së pandemisë së koronavirusit.
Tedros Adhanom Ghebreyesus pranoi se shumë vende janë lodhur, “por ne nuk mund të dorëzohemi”. “Kur udhëheqësit veprojnë shpejt, virusi mund të shtypet”, tha ai.
Lexoni: 7 muaj në pandemi, motivimi po vyshket
“Liderët duhet të balancojnë ndërprerjen e mënyrës normale të jetesës me nevojën për të mbrojtur punonjësit e shëndetësisë dhe sistemin shëndetësor që të mos shembet”, u shpreh Ghebreyesus.
Komenti i tij erdhi pak ditë pasi shefi i stafit të presidentit amerikan Donald Trump, Mark Meadows tha për CNN se fokusi i administratës ishte zhvendosur në zbutje, duke mos e shuar virusin.
“Ne nuk do të kontrollojmë pandeminë. Ne do të kontrollojmë marrjen e vaksinave, terapeutikëve dhe lehtësimeve të tjera”, tha Meadows.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
