Toyota Motor Corp. njoftoi se Koji Sato do të largohet nga pozicioni i CEO-së pasi është dorëhequr dhe do të zëvendësohet nga Kenta Kon, aktualisht Drejtor Financiar (CFO). Ky është ndryshimi i dytë në drejtimin e kompanisë brenda tre vitesh.
Ndryshimi hyn në fuqi më 1 prill 2026, me Sato që merr rolin e Zëvendëspresidentit dhe Drejtorit të Industrisë (Chief Industry Officer). Kompania njoftoi se kjo ndarje e roleve ka për qëllim përshpejtimin e vendimmarrjes dhe përqendrimin e Kon tek menaxhimi i brendshëm i kompanisë, ndërsa Sato do të fokusohet tek çështjet strategjike të industrisë automobilistike.
Në një konferencë për shtyp, Kon krahasoi ndryshimin me Sato-n si “kapiten i ekipit kombëtar”, ndërsa ai vetë do të jetë “kapiten i klubit”.
Ndërkohë, Toyota ka përmirësuar parashikimin e fitimeve për vitin, me rritje të të ardhurave në tremujorin e fundit për 8.6% në 13.46 trilionë yen ($85.8 miliardë), pavarësisht presioneve nga tarifat amerikane. Fitimi operacional u ul për 2% në 1.19 trilionë yen, megjithatë mbeti mbi pritshmëritë e analistëve.
Lexo edhe: Shqiptarët shtojnë interesin për mjetet elektrike, rritje me 98% në vitin 2025
Kompania po thekson gjithashtu fokusin tek automjetet elektrike dhe hibride, të cilat përbëjnë gati gjysmën e shitjeve të saj për tre tremujorët e parë të vitit fiskal, me kërkesë të fortë në Amerikën e Veriut dhe Kinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
